Question

विस्तृत शेती हा व्यापारी शेतीचा प्रकार आहे.

पुढील विधानाचे भौगोलिक कारणे लिहा:

विस्तृत शेती हा व्यापारी शेतीचा प्रकार आहे.

Answer 1

1. विस्तृत व्यापारी शेतीच्या शेताचा आकार खूप मोठा असतो.
2. येथे एकूण लोकसंख्या कमी असल्यामुळे भांडवल आणि आधुनिक कृषी पद्धतींचा वापर करून शेती केली जाते.
3. विस्तृत व्यापारी शेतीला देखील एकपिकी पद्धतीची शेती म्हटले जाते.
4. विशाल क्षेत्रात गहू, मका यांसारखी धान्य पिके व्यापारी तत्त्वावर घेतली जातात आणि हे उत्पादन आंतरराष्ट्रीय व्यापारात विकले जाते.
5. काही भागात विस्तृत व्यापारी शेती आणि व्यापक स्वरूपातील पशुपालन या एकत्रित क्रिया केल्या जातात.
6. पेरणीपासून कापणीपर्यंतची सर्व कामे यंत्रांच्या साहाय्याने केली जातात.
7. या शेतीत हेक्टरी उत्पादन कमी असते, मात्र एकूण उत्पादन जास्त असते.
8. समशीतोष्ण कटिबंधीय गवताळ प्रदेश, प्रेअरी, पंपास, स्टेप्स, व्हेल्ड आणि डाऊन्स या गवताळ प्रदेशांत गहू आणि मका या पिकांचे भरघोस उत्पादन घेतले जाते.
9. दक्षिण अमेरिकेत पंपास गवताळ प्रदेशात या पिकांवर आधारित पशुपालन करून मांस निर्यातही केली जाते.
10. विस्तृत व्यापारी धान्य शेतीच्याही काही समस्या आहे कीटकनाशके आणि खतांचा अतिरेकी वापर, आधुनिक तंत्रज्ञानावर वाढते अवलंबित्व आणि भांडवलाची गरज या समस्या या शेतीला भेडसावतात.

Answer 2

1. विस्तृत व्यापारी शेतीमध्ये जमिनीचे क्षेत्रफळ अवाढव्य असते, मात्र लोकसंख्या कमी असल्याने कामासाठी आवश्यक मजूर उपलब्ध होत नाहीत.
2. मजुरांच्या या कमतरतेवर मात करण्यासाठी मोठ्या प्रमाणात भांडवली गुंतवणूक करून यंत्रसामग्री आणि आधुनिक तंत्रज्ञानाचा वापर केला जातो.
3. या शेतीतून होणारे उत्पादन प्रचंड असते, पण स्थानिक गरज कमी असल्याने बहुतांश माल जागतिक बाजारपेठेत विकला जातो.

म्हणून विस्तृत शेती हा व्यापारी शेतीचा प्रकार आहे.