Question

फरक सांगा.

मळ्याची शेती आणि विस्तृत व्यापारी शेती.

Answer 1

	मळ्याची शेती	विस्तृत व्यापारी शेती
(१)	मळ्याच्या शेतीच्या शेताचा आकार खूप मोठा असतो.	विस्तृत व्यापारी शेतीच्या शेताचा आकार खूप मोठा असतो.
(२)	या शेताच्या नियोजनासाठी स्थानिक मजुरांमार्फत शेतीची कामे केली जातात. मोठ्या आकारामुळे मजुरांची संख्या जास्त लागते.	येथे एकूण लोकसंख्या कमी असल्यामुळे भांडवल आणि आधुनिक कृषी पद्धतींचा वापर करून शेती केली जाते.
(३)	हा भांडवल अधिष्ठित शेती-प्रकार असून, या शेती पद्धतीला एकपिकी शेती-पद्धत असेही म्हणतात.	विस्तृत व्यापारी शेतीला देखील एकपिकी पद्धतीची शेती म्हटले जाते.
(४)	विस्तृत क्षेत्रावर एकाच प्रकारच्या पिकाची लागवड केली जाते.	विशाल क्षेत्रात गहू, मका यांसारखी धान्य पिके व्यापारी तत्त्वावर घेतली जातात आणि हे उत्पादन आंतरराष्ट्रीय व्यापारात विकले जाते.
(५)	ही शेती बहुतांशी वृक्ष किंवा झाडांच्या स्वरूपात असल्यामुळे एकदा लागवड केली की पुढील दहा ते पंधरा वर्षे सलग उत्पादन घेता येते.	काही भागात विस्तृत व्यापारी शेती आणि व्यापक स्वरूपातील पशुपालन या एकत्रित क्रिया केल्या जातात.
(६)	पिकांची योग्य पद्धतीने देखभाल करावी लागते, त्यासाठी खूप मजूर लागतात.	पेरणीपासून कापणीपर्यंतची सर्व कामे यंत्रांच्या साहाय्याने केली जातात.
(७)	या शेतीत हेक्टरी उत्पादन कमी असते, मात्र एकूण उत्पादन खूप जास्त असते.	या शेतीत हेक्टरी उत्पादन कमी असते, मात्र एकूण उत्पादन जास्त असते.
(८)	मळ्याच्या शेतीतून चहा, कॉफी, रबर, कोको, मसाल्याचे पदार्थ अशी उत्पादने घेतली जातात.	समशीतोष्ण कटिबंधीय गवताळ प्रदेश, प्रेअरी, पंपास, स्टेप्स, व्हेल्ड आणि डाऊन्स या गवताळ प्रदेशांत गहू आणि मका या पिकांचे भरघोस उत्पादन घेतले जाते.
(९)	शेतीचे देशानुसार विशेषीकरण झालेले आढळते.	दक्षिण अमेरिकेत पंपास गवताळ प्रदेशात या पिकांवर आधारित पशुपालन करून मांस निर्यातही केली जाते.
(१०)	ब्राझील हा कॉफीसाठी प्रसिद्ध आहे. भारत आणि श्रीलंका हे चहासाठी, तर इंडोनेशिया-मलेशिया हे रबरासाठी प्रसिद्ध आहेत.	विस्तृत व्यापारी धान्य शेतीच्याही काही समस्या आहे कीटकनाशके आणि खतांचा अतिरेकी वापर, आधुनिक तंत्रज्ञानावर वाढते अवलंबित्व आणि भांडवलाची गरज या समस्या या शेतीला भेडसावतात.