Question

शेती व्यवसायात खंडनिहाय गुंतलेल्या लोकसंख्येची २०१८ सालची आकडेवारी खालील तक्त्यात दिलेली आहे. त्या आधारे सुयोग्य आलेख काढून विचारलेल्या प्रश्नांची उत्तरे द्या.

खंड	प्राथमिक व्यवसायात गुंतलेली लोकसंख्येची टक्केवारी (सन २०१८)
युरोप	७.९१
आशिया	२४.४९
उत्तर अमेरिका	१४.९३
दक्षिण अमेरिका	१४.९४
आफ्रिका	४७.२८
ऑस्ट्रेलिया	२७.७९

संदर्भ स्रोत: FAO- २०१८

1. कोणत्या खंडात १०% पेक्षा कमी लोकसंख्या शेती व्यवसायामध्ये कार्यरत आहे?
2. कोणत्या खंडात ४०% पेक्षा जास्त लोकसंख्या शेती व्यवसायामध्ये कार्यरत आहे?
3. दिलेल्या आकडेवारीकडे बघता, या खंडांना तिथल्या आर्थिक विकासाच्या स्तरानुसार चढत्या क्रमाने लावता येईल काय?

Answer 1

टीप : प्रश्नात दिलेल्या तक्त्यामध्ये केवळ प्राथमिक व्यवसायात गुंतलेल्या लोकांची टक्केवारी दिली आहे. या पूर्ण तक्त्याची बेरीज केल्यास ती १०० च्याही पलीकडे जाताना दिसते. याचा अर्थ ही खंडनिहाय तुलनात्मक टक्केवारी नसून, प्रत्येक खंडातील एकून लोकसंख्येपैकी प्राथमिक व्यवसायात असलेल्या लोकांची टक्केवारी आहे. उदा., युरोपमध्ये केवाट ७.९१ टक्के लोकनंख्या प्राथमिक व्यवसायात आहे. याचा अर्थ उर्वरित ९२.०८ टक्के लोकसंख्या प्राथमिकेतर व्यवसायात गुतलेली आहे. म्तणून येथे संयुक्त स्तंभालेखाचा उपयोग करून एकूण लोकसंख्येपैकी प्राथमिक आणि प्राथमिकेतर व्यवसायात गुंतलेली लोकसंख्या स्तंभालेखाद्वारे दाखवली आहे.

1. युरोप खंडात १०% पेक्षा कमी लोकसंख्या शेती व्यवसायामध्ये कार्यरत आहे.
2. आफ्रिका खंडात ४०% पेक्षा अधिक लोकसंख्या शेती व्यवसायामध्ये कार्यरत आहे.
3. प्राथमिक व्यवसायात कार्यरत लोकसंख्येचा विचार करता, खंडांची आर्थिक विकासाच्या स्तरानुसार चढत्या क्रमाने पुढीलप्रमाणे मांडणी केली आहे. (त्यासाठी ज्या खंडात प्राथमिकेतर व्यवसायांचे प्रमाण जास्त, त्या खंडाला क्रमवारीत वरचा क्रमांक दिला आहे.)
   १. युरोप २. उत्तर अमेरिका ३. दक्षिण अमेरिका ४. ऑस्ट्रेलिया ५. आशिया ६. आफ्रिका.