Question

सखू आजीच्या व्यक्तिमत्त्व विशेषांपैकी तुम्हांला भावलेल्या कोणत्याही दोन विशेषांचे सकारण स्पष्टीकरण करा.

Answer 1

गावात सखू आजींच्या शब्दाला विशेष मान होता. त्यांच्यातील मला भावलेले दोन गुण म्हणजे सखू आजीचा प्रेमळ स्वभाव व प्रतिभासंपन्नता होय. त्यांच्या प्रेमळ स्वभावामुळे गावातील प्रत्येक व्यक्तीला त्यांच्याशी बोलावेसे वाटे. लहान मुलांना त्या गोष्टी सांगत, त्यामुळे मुलांच्या मनात आजीविषयी ओढ होती, तर गावच्या बाबतीतील भल्या-बुऱ्या गोष्टींचा त्या योग्य पद्धतीने विचार करत व त्यानुसार निर्णय घेत असत. सर्वांचे भले व्हावे, असा विचार सखू आजीच्या कृतींतून दिसून येतो. गावातील लोकांनी शिक्षित व्हावे, म्हणून त्यांनी केलेली धडपड, गावातील तरुणांच्या प्रगतिबद्दल त्यांचे कौडकौतुक करण्यासाठी घेतलेला पुढाकार या सर्वांतून त्यांच्या प्रेमळपणाची प्रचीती येते.

सखू आजी प्रतिभावंत होत्या. त्या बोलता-बोलता छान कविता करत असत. हे सारे त्या ठरवून करत नव्हत्या, तर ती त्यांना उपजत लाभलेली देणगी होती. छोट्या-छोट्या कविता करून त्या आपले विचार मांडत असत. काल्पनिक कथा तयार करून लहान मुलांचे मनोरंजन करत असत.