Question

तुमच्या मते हेलन केलर आयुष्यात पहिल्यांदा ‘उद्याची’ वाट का पाहत असेल?

Answer 1

ॲनी सुलिव्हॅन या शिक्षिकेची भेट होण्यापूर्वी हेलन केलरचे आयुष्य अज्ञानाच्या अंधकारात हरवले होते. बहिरेपणा, अंधत्व व मुकेपणा यांमुळे तिचे जीवन एकाकी झाले होते; परंतु नवीन शिक्षिकेमुळे व त्यांच्या प्रयोगशील अध्यापन पद्धतीने हेलनला शब्दांची ओळख होऊ लागली. जेव्हा परिचित वस्तूंची नावे तिला कळू लागली तेव्हा तिच्या जीवनात चैतन्य निर्माण झाले. पूर्वी हेलनचे आयुष्य हे समुद्रात वाट चुकलेल्या जहाजाप्रमाणे होते, ज्यास निश्चित असा मार्ग ठाऊक नव्हता; परंतु ॲनी सुलिव्हॅन या बाईंनी तिला ज्ञानाचा मार्ग दाखवला. तिच्या मूक जगात शब्द व शब्दांचे अर्थ उमटू लागले. नवनवीन शब्द शिकण्याचा उत्साह तिच्यात निर्माण झाला आणि या शिकण्याच्या ओढीमुळेच हेलन केलर आयुष्यात पहिल्यांदा 'उद्याची' वाट पाहत असावी असे मला वाटते.