Question

‘ॲनी सुलिव्हॅन नसत्या तर ‘हेलन’ घडली नसती’, विधानाची सत्यता पटवून द्या.

Answer 1

हेलनसारख्या दिव्यांग मुलांना शिक्षणात अनेक अडथळे येतात. खासकरून भाषा शिकताना अक्षर, शब्द यांची त्यांना ओळख करून देणे येथेच मोठा प्रश्न उभा राहतो. त्यामुळे, अशा मुलांच्या गरजा समजून घेणारा शिक्षक असणे आवश्यक असते. ॲनी सुलिव्हॅन या अशाच शिक्षिका होत्या. शिकवण्याच्या आधी त्यांनी हेलनला मायेने आपलेसे केले. त्यानंतर नवनवीन शब्द शिकवतानाही त्यांनी तिच्या कलानुसार शिकवले. शिकवताना हेलनचा गोंधळ उडाल्यावरही त्यांनी संयम बाळगला. तिला केवळ शब्द ओळख न देता त्यांच्या अर्थाशी तिची ओळख करून दिली. त्यासाठी प्रत्यक्ष बाहुली हातात दिली, पाण्याला स्पर्श करून ‘वॉटर’ हा शब्द शिकवला. अशाप्रकारे, अज्ञानाच्या अंधारात हरवलेल्या हेलनला ज्ञानाचा मार्ग दाखवणाऱ्या ॲनी सुलिव्हॅन या हेलनसाठी ज्ञानदीप ठरल्या, म्हणूनच ‘ॲनी सुलिव्हॅन नसत्या, तर ‘हेलन’ घडली नसती’ हे वाक्य सार्थ ठरते.