Question

वृक्ष व मानवी जीवन यांच्यातील परस्परसंबंधांविषयी तुमचे मत सोदाहरण स्पष्ट करा.

Answer 1

वृक्ष व मानव यांचे नाते अतूट आहे. जगण्यासाठी मानव वृक्षांवर अवलंबून असतो. अन्न, वस्त्र, निवारा या मूलभूत गरजा तो वृक्षांपासून भागवतो. तसेच, वृक्षांच्या सहवासात मिळणारा आनंद मानवासाठी महत्त्वाचा असतो. झाड हे सृजनाचे, निर्मितीचे प्रतीक आहे, त्यामुळे आसपास झाडे असल्यावर मानवी मन निर्मितीक्षम बनते. वातावरणात प्रसन्नता भरून राहते. झाडांवर फुलणारी फुले, फळे, त्यांवर आश्रय घेणारे जीव ह्या सगळ्यांना पाहणं हादेखील एक आनंदसोहळा असतो. झाडांपासून इतकं सुख मिळवणारा माणूस आज मात्र दुर्दैवाने वृक्षांच्या विनाशास कारणीभूत ठरत आहे. वृक्षांचे आपल्यावर असणारे अनंत उपकार माहीत असूनही मानव त्यांचे जतन व संवर्धन करण्यास अपुरा पडत आहे. मुळात, आपल्या भौतिक गरजा पूर्ण करण्याच्या नादात वृक्षसंहार होत आहे, याची जाणीव ठेवणे आणि नवीन वृक्ष लावून नवनिर्मितीचे हे चक्र सुरळीत ठेवणे गरजेचे आहे.