Question

खालील वाक्याचा अर्थ स्पष्ट करा.

बाहुलीचे शेकोटीजवळ लोटलेले तुकडे हेलनने गोळा केले.

Answer 1

बाईंनी एक दिवस नव्या बाहुलीऐवजी जुनी, चिंध्या झालेली बाहुली लेखिकेच्या मांडीवर ठेवली व हातावर d-o-l-l हा शब्द लिहिला. नव्या व जुन्या दोन्ही बाहुल्यांसाठी एकच शब्द पाहून लेखिका गोंधळली व लेखिकेने ती बाहुली जमिनीवर आपटली. बाईंनी तुटलेल्या बाहुलीचे तुकडे झाडून शेकोटीजवळ लोटले; परंतु जेव्हा बाईंनी पाणी हा शब्द प्रत्यक्ष पाण्यात तिचा हात धरून शिकवला तेव्हा लेखिकेच्या मनात चैतन्य निर्माण झाले. विहिरीपासून घरी आल्यावर त्यांना मोडलेली बाहुली आठवली. लेखिकेस आपली चूक जाणवली होती व तुकडे जोडून बाहुली पुन्हा तयार करण्यासाठी हेलनने शेकोटीजवळ लोटलेले तुकडे गोळा केले. हेलनचा शिक्षणाकडे पाहण्याचा बदललेला सकारात्मक दृष्टिकोन येथे दिसून येतो.