Question

खालील वाक्याचा अर्थ स्पष्ट करा.

हव्याशा क्षणी हेलन प्रेमाच्या प्रकाशात न्हाऊन निघाली.

Answer 1

ॲनी सुलिव्हॅन या शिक्षिका हेलनच्या आयुष्यात येण्यापूर्वी हेलनची मनोवस्था निराशामय होती. स्वत:शी चाललेल्या झगड्याने ती थकून गेली होती. मन राग व कडवटपणाने व्यग्र झाले होते. धुक्यात सापडलेल्या जहाजासारखी तिची अवस्था झाली होती. तिच्याजवळ मार्ग दाखवणारे कोणतेही होकायंत्र नव्हते, बंदर जवळ आहे का नाही हे कळायलाही मार्ग नव्हता. तिच्या आत्म्याचं अबोल आक्रंदन चालायचं; परंतु याचवेळी ॲनी सुलिव्हॅन या शिक्षिका तिच्या आयुष्यात आल्या. फक्त शिक्षणच नव्हे, तर मायेची पाखर घालण्यासाठी त्या आल्या, म्हणून लेखिका म्हणते, की त्या हव्याशा क्षणी प्रेमाच्या प्रकाशात मी न्हाऊन निघाले. हेलनच्या आयुष्यातील बाईंचे स्थान व महत्त्व यातून व्यक्त होते.