Question

खालील विषयांवर निबंध लेखन करा.

कल्पनाप्रधान निबंध

सूर्य मावळला नाही तर...

खालील विषयावर सुमारे २०० ते २५० शब्दांत निबंध लिहा.

सूर्य मावळला नाही तर ...

Answer 1

सूर्य मावळला नाही तर...

खरचं  सूर्य मावळला नाही तर... तर दिवसानंतर रात्रीचे आगमन कधी होणारच नाही, पर्यायाने साऱ्या सृष्टीला आराम देणारी, थोडासा विसावा देणारी रात्र जीवनातून नाहीशी होईल. माणसाला दिवसभर क्षण करून रात्री सुखाची झोप मिळणार नाही. लहान मुलांना आपलासा वाटणारा चांदोमामा आकाशात दिसणारच नाही. विविध लखलखत्या चांदण्यांनी आकाश सजणार नाही. जीवन अगदीच निरस, कंटाळवाणे होईल. 

तसेच, सतत उष्णता आणि प्रकाश मिळाल्यामुळे वातावरणातील तापमान प्रचंड वाढेल. पाण्याचे बाष्पीभवन होऊन पाण्याची कमतरता निर्माण होईल. झाडे सतत प्रकाशात राहिल्यामुळे त्यांच्या नैसर्गिक वाढीवरही परिणाम होईल. शेतीवर व पर्यायाने अन्नउत्पादनावर संकट येईल. सतत प्रकाश राहिल्यामुळे जंगलातील व रात्री सक्रिय होणाऱ्या प्राण्यांना धोका निर्माण होईल. काही प्राणी अंधारात राहूनच शिकार करतात. त्यांचे अस्तित्व धोक्यात येईल. समुद्र आणि नद्या यांवरही मोठा परिणाम होईल, कारण रात्रीचे थंड वातावरण मिळाले नाही तर पाण्याचे तापमान सतत वाढत राहील.

मानव जीवनावरही या बदलांचा मोठा परिणाम होईल. आपले दैनंदिन जीवन विस्कळीत होईल. लोकांना काम, विश्रांती आणि झोप यामधील ताळमेळ साधता येणार नाही. याचा परिणाम मानसिक तणाव आणि आजारांमध्ये वाढ होण्यात होईल.

संपूर्ण निसर्ग एक संतुलित प्रणालीवर चालतो. दिवस आणि रात्र हेच जीवनाचे खरे चक्र आहे. जर सूर्य मावळलाच नाही, तर निसर्गातील समतोल बिघडेल आणि पृथ्वीवरील जीवन अस्तित्वात राहणे कठीण होईल. त्यामुळे, निसर्गाच्या या चक्राचा आपण आदर करावा आणि पृथ्वीवरील पर्यावरण टिकवण्यासाठी आपले योगदान दिले पाहिजे.