Question

तुम्हांला या पाठातून काय शिकायला मिळाले ते लिहा.

Answer 1

कष्टाळूपणा, चिकाटी, मेहनतीपणा, कामातला सफाईदारपणा, नीटनेटकेपणा, जबाबदारपणा असे सुगरण पक्ष्याचे चांगले गुण आम्ही विद्यार्थ्यांनी त्याच्याकडून शिकायला हवेत. त्यामुळे, आम्हीसुद्धा आमचा अभ्यास नीटनेटका, अधिक चांगल्या व नियोजनबद्धरीतीने करू. त्याच्या घरटे विणण्याची बरोबरी कोणीही इतर पक्षी करू शकत नाहीत, कारण हे अतिशय कौशल्याचे काम असते, ते तो मन लावून करतो. तसाच आम्हीही मन लावून अभ्यास केला, तर आम्हांलाही नक्कीच 'यश' मिळेल. तसेच, आमच्यापैकी प्रत्येकाला कोणता ना कोणता आवडीचा छंद असतो. आम्हांला ज्या गोष्टीत रस आहे, आवड आहे, ती गोष्ट शिकून, आत्मसात करून त्यात 'उत्तम' बनण्याचा आम्ही प्रयत्न करू. आम्हांला आवडणाऱ्या गोष्टीला अधिक कौशल्यपूर्णतेने सादर करू, त्या त्या विषयात किंवा कलेत पारंगत होऊ.