Question

खालील मुद्दयांचा आधारे कवितेसंबंधी कृती सोडवा.

आश्वासक चित्र

1. प्रस्तुत कवितेचे कवी/कवयित्री  (१)
2. प्रस्तुत कवितेचा विषय  (१)
3. प्रस्तुत कविता तुम्हांला आवडली किंवा न आवडली ते सकारण स्पष्ट लिहा.  (२)

Answer 1

1. कवयित्री - नीरजा
2. स्त्री-पुरुष समानतेचे आश्वासक चित्र रेखाटणे.
3. या कवितेत स्त्री-पुरुष समानतेच्या आश्वासक भविष्याचे सार्वकालिक चित्र मांडले आहे. कवयित्रीने या कवितेत आशय मोकळेपणाने व्यक्त करण्यासाठी ‘मुक्तछंद’ वापरला आहे, ज्यामुळे कवितेतील वास्तव थेट हृदयाला भिडते. संपूर्ण कविता स्त्री-पुरुष समानतेच्या मूल्यांची महत्त्वाची जाणीव करून देते. कवयित्रीची साधी आणि संवादात्मक भाषाशैली तिच्या विचारांना सहज आणि प्रभावीपणे मांडते. कवितेत आधुनिक स्त्रीचा स्वकर्तृत्वावरचा विश्वास, आव्हानांचा सामना करण्याची तिची तयारी आणि तिच्या असामान्य क्षमतांचे वर्णन आहे. त्याचबरोबर, स्त्रीच्या या क्षमतांचा आदर करून स्वतःची मानसिकता आणि वागणूक बदलणाऱ्या पुरुषाचे वर्णन भविष्याबद्दल सकारात्मक भावना निर्माण करते. संवादात्मक शैलीसह ‘भातुकली’, ‘चेंडू’ यांसारख्या समर्पक प्रतिमांचा वापर वाचकाला विचार करण्यास प्रवृत्त करतो. यामुळेच ही कविता मला खूप आवडते.