Question

खालील मुद्‌द्याच्या आधारे व्हेनिसचे वर्णन लिहा.

व्हेनिस म्हणजे अफाट जलदर्शन.

Answer 1

व्हेनिस हे पाण्यावर तरंगणारे जगातील अद्भुत शहर आहे. येथे रस्तेच नाहीत. त्यामुळे रस्त्यावरील वाहने, वाहतूक नियंत्रक पोलीस, ट्रॅफिक लाईट्स, गर्दी नसणारे ते जगातील एकमेव शहर आहे. येथे फक्त कालवे व त्या कालव्यांना जोडणारे पूल आढळतात. हे शहर म्हणजे छोट्या छोट्या बेटांचा पुंजकाच आहे. हा पुंजका जणू निळ्याशार मखमली सागरावर टाकलेल्या हिरे-माणकांच्या ढिगासारखाच दिसतो. येथे विविध आकारांच्या व असंख्य प्रकारांच्या प्रवासी वाहून नेणाऱ्या नावांची ये-जा सुरू असते. येथे केवळ पाणरस्ते असतात. व्हेनिस हे केवळ कालव्यांचेच नाही, तर कालव्यांत तरंगणारे शहर आहे, म्हणून या कलासक्त व निळ्या पाण्यावर तरंगणाऱ्या शहराचे वर्णन करताना ‘व्हेनिस म्हणजे अफाट जलदर्शन!’ असे लेखक म्हणतो.