Question

तुम्हांला समजलेल्या सखू आजीचे व्यक्तिचित्र रेखाटा.

Answer 1

सखू आजी साऱ्याच गावकऱ्यांना प्रिय होती. ती अतिशय प्रतिभासंपन्न होती. साध्या सरळ संवादातही ती कवितांची पेरणी करत असे. तिच्याशी बोलणे हा सर्वांच्या आनंदाचा विषय होता. लहान मुलांशी बोलताना ती लहान होत असे, तर मोठ्यांच्या निर्णयामध्ये सहभागी होताना विचारी होऊन निर्णय घेत असे.

गावात तिच्या शब्दाला विशेष मान होता. गावकऱ्यांच्या चांगल्या, वाईट प्रत्येक प्रसंगात, कार्यक्रमात सखू आजी सहभागी होत असे. सखू आजी हुशार होती. अडाणी सखू आजीने हक्काने लेखकास शिकवण्यास सांगितले व स्वत:बरोबर अन्य स्त्रियांनाही शिक्षित केले. यातून तिची शिक्षणाबद्दलची तळमळ व नि:स्वार्थी वृत्ती दिसून येते. ती गावातील युवकांच्या प्रगतीला प्रोत्साहन देत असे. चांगल्या गोष्टींचे मनमोकळ्या स्वभावाने कौतुक करत असे. सखू आजीला जर योग्य वातावरण मिळाले असते, तर तिच्यातील प्रतिभेने तिला नावलौकिक मिळवून दिला असता. लहानमोठ्या सर्वांना आधार वाटणाऱ्या सखू आजीच्या जाण्यानं पूर्ण गावच जणू पोरकं झालं, हीच सखू आजीच्या व्यक्तित्वाची किमया होती.