Question

पुढील कवितेच्या आधारे सूचनेनुसार कृती करा.

१) आकृतिबंध पूर्ण करा.  (२)

1. वस्तूंना या गोष्टी नकोत- ______
2. वस्तूना याची हमी हवी- ______

२) उत्तरे लिहा.  (२)

वस्तूंना असे ठेवावे.

1. ____________
2. ____________

वस्तूंना जीव नसेलही कदाचित, पण जीव नसल्यासारखे वागवू नये त्यांना. वस्तूंना मनही नसेल कदाचित, पण ते असल्यासारखे वागलो तर वस्तू प्रचंड सुखावतात. वस्तू निखालस सेवकच असतात आपल्या, तरीही बरोबरीचाच मान द्यावा त्यांना. वस्तूंना वेगळी स्वतंत्र खोली नको असते, त्यांना फक्त 'आपल्या मानलेल्या' जागेवरून निष्कासित न होण्याची हमी द्या. वस्तूंनाही असते आवड स्वच्छ राहण्याची, हे हातांना लक्षात ठेवायला सांगा. वस्तूंना जपावे, लाडावूनही ठेवावे त्यापुढे जाऊन. त्याच जिवंत ठेवणार आहेत आपला स्नेह नंतरच्या काळातही. आयुष्य संपले की वस्तूंनाही आजवरच्या हक्काच्या घरात राहू देत नाहीत, तेव्हा कृतज्ञतापूर्ण निरोपाचा त्यांचा हक्क शाबूत ठेवावा.

३) कवितेतील दोन ओळींचा सरळ अर्थ लिहा.  (२)

वस्तूंना जपावे, लाडावूनही ठेवावे त्यापुढे जाऊन.
त्याच जिवंत ठेवणार आहेत आपला स्नेह

४) काव्यसाैंदर्य लिहा.   (२)

कृतज्ञतापूर्ण निरोपाचा त्यांचा हक्क
शाबूत ठेवावा

Answer 1

१) 

1. वस्तूंना या गोष्टी नकोत- वेगळी, स्वतंत्र खोली
2. वस्तूना याची हमी हवी- निष्कासित न होण्याची

२) वस्तूंना असे ठेवावे.

1. वस्तूंना जपावे.
2. लाडावून ठेवावे.

३) वस्तूंना अगदी आपुलकीने जपावे, त्यांना लाडावूनही ठेवावे कारण याच वस्तू आपण या आयुष्यातून निघून गेल्यावरही आपल्या आठवणी, स्नेह जिवंत ठेवणार आहेत.

४) 'वस्तू' या कवितेतून कवी द. भा. धामणस्कर यांनी निर्जीव वस्तूंचे आपल्या आयुष्यातील मोल जाणावे आणि त्यांच्याशी असलेले भावनिक बंध व त्यांच्याशी निगडित स्नेह जपावा असा संदेश दिला आहे.
जरी वस्तूंना मानवी भावना नसल्या, तरीही त्यांना मानाने, लाडाने वागवावे, जपावे व त्यांच्याबद्दल मनात कृतज्ञता बाळगावी असे कवी म्हणतात. एखादी वस्तू वापरण्यास अयोग्य झाली, की तिला घराबाहेर काढले जाते; पण वर्षानुवर्षे आपल्या घरात राहिलेल्या या वस्तूंना कृतज्ञतेने निरोप देण्याचा त्यांचा हक्क आपण जपला पाहिजे, असा संदेश प्रस्तुत ओळींतून व्यक्त होतो.