Question

खालील दिलेल्या मुद्द्यांच्या आधारे कृती सोडवा.

मुद्दे	‘स्वप्न करू साकार’
(1) प्रस्तुत कवितेचे कवी/कवयित्री -
(2) प्रस्तुत कवितेचा विषय -
(3) प्रस्तुत कवितेतील दिलेल्या दोन ओळींचा सरळ अर्थ लिहा.	‘या देशाच्या मातीवरती अमुचा रे अधिकार नव्या पिढीचे, नव्या युगाचे स्वप्न करू साकार’
(4) प्रस्तुत कविता आवडण्याचे वा न आवडण्याचे कारण
(5) प्रस्तुत कवितेतील शब्दांचा अर्थ लिहा.	(i) ललकारणे -
	(ii) नौबत -
	(iii) विभव -
	(iv) श्रम -

Answer 1

मुद्दे	‘स्वप्न करू साकार’
(1) प्रस्तुत कवितेचे कवी/कवयित्री -	कवी - किशोर पाठक
(2) प्रस्तुत कवितेचा विषय -	भारत देशाच्या उज्ज्वल भविष्याचे स्वप्न रेखाटले आहे.
(3) प्रस्तुत कवितेतील दिलेल्या दोन ओळींचा सरळ अर्थ लिहा.	कवी आपल्या देशाचे वर्णन करताना अभिमानाने सांगतो, की या देशाच्या मातीवरती, या मायभूमीवरती आमचा अधिकार आहे. त्यामुळे, नव्या पिढीचे भारताच्या उज्ज्वल भविष्याचे स्वप्न आम्ही प्रत्यक्षात आणू.
(4) प्रस्तुत कविता आवडण्याचे वा न आवडण्याचे कारण	‘स्वप्न करू साकार’ ही कविता मला खूप आवडली आहे. त्याचे मुख्य कारण कवितेच्या सुरुवातीलाच कवीने नव्या पिढीच्या व नव्या युगाच्या मनात देशाप्रती आपलेपणाची भावना जागृत केलेली आहे. त्यानंतर या आपल्या देशाच्या उन्नतीसाठी कार्य करण्याची प्रेरणा दिली आहे. पण केवळ प्रेरणा देऊनच ते थांबले नाहीत तर देशाच्या उन्नतीचा मार्गही म्हणजेच कृषिविकास, उदयोग क्षेत्रातील विकास, संस्कृतीचे जतन-संवर्धन त्यांनीच समजावून सांगितला आहे. त्यासाठी एकोप्याने काम करायला हवे, हे सांगायलाही ते विसरले नाहीत. हे सर्व आपण मनापासून केले तर नव्या पिढीचे, नव्या युगाचे आपल्या उज्ज्वल भारत देशाचे स्वप्न पूर्ण होईल असा सुंदर आशावाद त्यांनी मांडला आहे.
(5) प्रस्तुत कवितेतील शब्दांचा अर्थ लिहा.	(i) ललकारणे - पुकारणे, जयघोष करणे
	(ii) नौबत - डंका, मोठा नगारा,  स्थिती
	(iii) विभव - ऐश्वर्य, भाग्य, संपत्ती
	(iv) श्रम - कष्ट, काम