Question

टिपा लिहा.

डॉ. होमी भाभा

Answer 1

पद्मभूषण डॉ. होमी जहांगीर भाभा यांनी भारतातील अणुशास्त्राचा पाया घातला, म्हणून त्यांच्या नावाने ‘बार्क’ (भाभा अणुसंशोधन केंद्र) या अणुसंशोधन केंद्राचे नामकरण करण्यात आले आहे. डॉ. अनिल काकोडकर यांनी “मोठे होत असलेल्या मुलांनो...” या पाठात ‘बार्क’ मधील आपले अनुभव मांडले आहेत.

डॉ. भाभा यांचा जन्म ३० ऑक्टोबर १९०९ रोजी झाला. त्यांनी केंब्रिज विद्यापीठात शिक्षण घेतले. अणुशक्तीचा वापर करून वीज निर्मिती करता येईल आणि ती ऊर्जा शांततामय कार्यासाठी वापरता येईल, यामुळे देशात औद्योगिक क्रांती होऊन मानवाचे कल्याण साधता येईल, असे त्यांनी पंडित जवाहरलाल नेहरूंना पटवून दिले. त्यांच्या सहकार्याने अणुसंशोधन केंद्राची स्थापना झाली.

“त्यांचे व्यक्तिमत्त्व प्रचंड स्फूर्तिदायक होते,” असे त्यांना प्रत्यक्ष पाहिलेल्या लेखकाने सांगितले आहे. डॉ. भाभा यांनी “सरकारच्या खर्चाचा विचार न करता संशोधन करा आणि स्वतःला सक्षम बनवा” असा मौल्यवान सल्ला लेखकाला दिला होता. २४ जानेवारी १९६६ रोजी विमान अपघातात त्यांच्या निधनाने देशाला मोठा धक्का बसला.