Question

खालील दिलेल्या मुद्द्यांच्या आधारे कृती सोडवा.

मुद्दे	‘दोन दिवस’
(1) प्रस्तुत कवितेचे कवी/कवयित्री -
(2) प्रस्तुत कवितेचा विषय -
(3) प्रस्तुत कवितेतील दिलेल्या दोन ओळींचा सरळ अर्थ लिहा.	‘हे हात माझे सर्वस्व; दारिद्र्याकडे गहाणच राहिले’
(4) प्रस्तुत कविता आवडण्याचे वा न आवडण्याचे कारण
(5) प्रस्तुत कवितेतील शब्दांचा अर्थ लिहा.	(i) जिंदगी -
	(ii) बरबाद -
	(iii) हरघडी -
	(iv) दुनिया -

Answer 1

मुद्दे	‘दोन दिवस’
(1) प्रस्तुत कवितेचे कवी/कवयित्री -	कवी - नारायण सुर्वे
(2) प्रस्तुत कवितेचा विषय -	कामगारांच्या जीवनाचे वास्तव चित्रदर्शन
(3) प्रस्तुत कवितेतील दिलेल्या दोन ओळींचा सरळ अर्थ लिहा.	कामगारांसाठी कष्टकऱ्यांसाठी त्यांचे हातच सर्वकाही असतात याच हातांनी ते कष्ट करून आपले पोट भरत असतात त्यांचा उदरनिर्वाह या हातावरच अवलंबून असतो. हातांनी कष्ट केले तरच पोटाला भाकरी मिळेल मात्र या हातांनी कितीही कष्ट केले तरीदेखील कामगारांचे जीवन दुखी व दारिद्र्यातच असते. हातांनी कितीही कष्ट उपसले तरीदेखील हाती काहीच लागत नाही. दारिद्र्य पाठ सोडत नाही जणूकाही कष्टकऱ्यांचे हात दारिद्र्याकडे गहाणच राहिले आहेत.
(4) प्रस्तुत कविता आवडण्याचे वा न आवडण्याचे कारण	'दोन दिवस' या कवितेत कवी नारायण सुर्वे यांनी मांडलेले कामगारांचे भावविश्व जीवनाचा एक वेगळाच पैलू दाखवते. अडीअडचणींच्या काळातही जीवनाकडे पाहण्याचा आशादायी व सकारात्मक दृष्टिकोन देते. कवीने साध्या-सोप्या भाषेत जगण्याचे तत्त्वज्ञान आपल्यासमोर मांडले आहे. ही गद्याशी नाते सांगणारी निवेदनात्मक लेखनशैली मला फार आवडली. जीवनाचे धगधगीत वास्तव रेखाटतानाही कामगाराचे जीवन जगण्यावरील प्रेम कायम आहे, ते प्रेम टिपणारी ही कविता मला फार आवडते.
(5) प्रस्तुत कवितेतील शब्दांचा अर्थ लिहा.	(i) जिंदगी - आयुष्य, जीवन
	(ii) बरबाद - नष्ट, नाश
	(iii) हरघडी - प्रत्येक वेळी
	(iv) दुनिया - जग, विश्व