Question

खालील दिलेल्या मुद्द्यांच्या आधारे कृती सोडवा.

कृती	‘स्वप्न करू साकार’
(1) प्रस्तुत कवितेचे कवी/कवयित्री -
(2) प्रस्तुत कवितेचा विषय -
(3) प्रस्तुत कविता आवडण्याचे वा न आवडण्याचे कारण -
(4) दिलेल्या ओळींचा सरळ अर्थ -	‘या देशाच्या मातीवरती अमुचा रे अधिकार नव्या पिढीचे, नव्या युगाचे स्वप्न करू साकार’
(5) प्रस्तुत कवितेतील शब्दांचा अर्थ -	(i) विभव -
	(ii) शक्ती -
	(iii) विश्‍व -
	(iv) हस्त -

Answer 1

कृती	‘स्वप्न करू साकार’
(1) प्रस्तुत कवितेचे कवी/कवयित्री -	किशोर पाठक
(2) प्रस्तुत कवितेचा विषय -	देशाच्या उज्ज्वल भविष्याचे स्वप्न साकार करण्यासाठी यंत्रशक्ती, कृषिसंस्कृती, आणि औद्योगिक क्रांतीच्या सहाय्याने मातृभूमीचा जागतिक पातळीवर नावलौकिक वाढवण्यासाठी प्रयत्न करणे.
(3) प्रस्तुत कविता आवडण्याचे वा न आवडण्याचे कारण -	कविता आवडण्याचे वा न आवडण्याचे कारण : प्रस्तुत कविता सकारात्मक प्रेरणा देणारी आहे. कवीने नव्या पिढीच्या कर्तृत्वावर विश्वास ठेवत कृषिविकास, औद्योगिक प्रगती आणि संस्कृती संवर्धनाच्या माध्यमातून राष्ट्राची सर्वांगीण उन्नती साधण्याचे मार्ग उलगडून दाखवले आहेत. ऐक्याच्या बळावर भारत सर्वांगीण प्रगती करून जागतिक पातळीवर प्रसिद्ध होईल, असा आशावाद कवीने या कवितेत व्यक्त केला आहे. विचारसौंदर्य, गेयता, लयबद्धता, भावसौंदर्य, प्रसाद व माधुर्य या विशेष गुणांमुळे ही कविता मला खूप आवडते.
(4) दिलेल्या ओळींचा सरळ अर्थ -	देशाभिमानाने प्रेरित होऊन कवीने देशाच्या उज्ज्वल भविष्याविषयी आशावादी दृष्टिकोन मांडला आहे. कवी म्हणतो की, या देशाच्या मातीवर जन्मत:च आमचा अधिकार आहे. येथे धर्म, पंथ, भाषा या बाबतीत विविधता असूनही राष्ट्रीय एकात्मता टिकून आहे. लोकशाहीमुळे या मातीवर सर्वांचा समान अधिकार आहे. या एकात्मतेच्या बळावर आम्ही सर्वजण, नव्या पिढीचे आणि नवीन युगाचे स्वप्न साकार करू.
(5) प्रस्तुत कवितेतील शब्दांचा अर्थ -	(i) विभव - ऐश्वर्य, संपत्ती
	(ii) शक्ती -  ऊर्जा, सामर्थ्य
	(iii) विश्‍व - जग
	(iv) हस्त - हात