Question

खालील विषयावर बातमी तयार कराः

‘ज्ञानज्योत विद्यालय’, वर्धा येथे १५ ऑगस्ट रोजी स्वातंत्र्यदिन साजरा झाला.

Answer 1

ज्ञानज्योत विद्यालयात स्वातंत्र्यदिन दिमाखात साजरा

वर्धा, दि. १६ ऑगस्ट : वर्धा येथील ‘ज्ञानज्योत विद्यालय’ ही एक प्रतिष्ठित शाळा असून येथे दरवर्षीप्रमाणे यंदाही स्वातंत्र्यदिन मोठ्या उत्साहात साजरा करण्यात आला.

या समारंभासाठी प्रमुख पाहुण्या म्हणून सुप्रसिद्ध पर्यावरण तज्ज्ञ प्रा. डॉ. नंदिनी देशमुख यांना आमंत्रित करण्यात आले होते. शाळेच्या बॅण्ड पथकाने त्यांचे आगमन होताच सन्मानपूर्वक मानवंदना दिली. त्यानंतर प्रमुख पाहुण्यांच्या शुभहस्ते राष्ट्रीय ध्वजाचे ध्वजारोहण करण्यात आले. उपस्थितांनी राष्ट्रगीत गायन करून कार्यक्रमाची सुरुवात केली. विद्यार्थ्यांनी देशभक्तीपर समूहगीते सादर करून उपस्थितांना भारावून टाकले.

या प्रसंगी डॉ. देशमुख यांनी विद्यार्थ्यांना परिसर स्वच्छता, वृक्षारोपण आणि वृक्षसंवर्धन यांचे महत्त्व पटवून दिले. पर्यावरण रक्षणासाठी प्रत्येकाने आपली जबाबदारी ओळखावी, असे त्यांनी आवर्जून सांगितले. याच वेळी इयत्ता नववीच्या विद्यार्थ्यांनी पर्यावरण संवर्धन या विषयावर आधारित प्रभावी पथनाट्य सादर केले. त्यांच्या सशक्त अभिनयामुळे पर्यावरणाबद्दल जागरूकता निर्माण झाली. या पथनाट्याचे उपस्थित शिक्षक, पालक आणि पाहुण्यांनी विशेष कौतुक केले.