Question

खालील विषयावर बातमी तयार करा.

शहरात डेंग्यूचा वाढता फैलाव म. न. पा. कडून आरोग्य तपासणी.

Answer 1

डेंग्यूपासून बचाव करण्यात मनपाचा पुढाकार, शहराची आरोग्य तपासणी झाली सुरू
(आमच्या वार्ताहराकडून)	दिनांक: १२ सप्टेंबर
डोंबिवली, दि. ११ सप्टेंबर - दिवसेंदिवस डेंग्यूच्या रोग्यांमध्ये वाढ होत चालली आहे. महानगरपालिकेने शहरातील नागरिकांच्या आरोग्यासाठी पुढाकार घेतला आहे. आरोग्य तपासणी शिबिरे सुरू करण्यात आली आहेत. यासाठी आरोग्य केंद्रे स्थापन करण्यात आली आहेत. डॉक्टर व नर्सेस डेंग्यूच्या उपचारासाठी सज्ज आहेत. पावसाळ्यात डेंग्यूचा फैलाव वाढत असतो. शहरातील नागरिकांत भिती पसरली आहे. मनपाने जनजागृतीसाठी पाऊल उचलले आहे. डेंग्यूसाठी करायच्या चाचण्या महाग असतात. आरोग्य तपासणी शिबिरांत या चाचण्या मोफत केल्या जाणार आहेत. नागरिकांना काही औषधेही कमी दरात उपलब्ध करून दिली जाणार आहेत. डेंग्यू आजारातील आहारासंदर्भात सविस्तर माहिती शिबिरातील डॉक्टरांकडून दिली जाणार आहे. डेंग्यू आजारातील आहारासंदर्भात सविस्तर माहिती शिबिरातील डॉक्टरांकडून दिली जाणार आहे. डेंग्यूचा नवीन रुग्ण आढळल्यास आरोग्य तपासणी शिबिरात तातडीने विशेष तपासणी केली जाणार आहे; असे मनपा आरोग्य विभागाने आपल्या पत्रकात म्हटले आहे.