Question

खालील निवेदन वाचा व त्याखालील कृती सोडवा.

जनता विद्यालय अहमदनगर आयोजित जिल्हास्तरीय चित्रकला स्पर्धा दि. 2 जानेवारी वेळ स. 10.00 वाजता. संपर्क- मुख्याध्यापक, जनता विद्यालय, अहमदनगर. E-mail - [email protected] मोबाइल - 0211556680

अभय/आर्या दळवी, विद्यार्थी प्रतिनिधी या नात्याने उत्तम आयोजनाबद्दल मुख्याध्यापकांना अभिनंदन करणारे पत्र लिहा.

Answer 1

दिनांक: 7 जानेवारी 2018

प्रति,
मुख्याध्यापक,
जनता विद्यालय,
अहमदनगर.

विषय: जिल्हास्तरीय चित्रकला स्पर्धाबाबत

माननीय मुख्याध्यापक,

आपण आयोजित केलेल्या जिल्हास्तरीय चित्रकला स्पर्धेमध्ये जिल्हातील जवळपास सर्वाधिक शाळांनी सहभाग घेतलेला दिसून येत होता. आपल्या विद्यालयातील, विद्यार्थ्यांनी पण या स्पर्धेत भाग घेऊन चांगलेच यश मिळवले. शाळेतील सर्व विद्यार्थी, शिक्षक आणि सेवक वर्ग हे आपल्या घरातीलच एक कार्यक्रम आहे असे समजून काम करत होते. सर्वांच्यात आपलेपणा व आपुलकी दिसून येत होती. हे सर्व आपल्या प्रेमळ व आगत्यपूर्ण वागण्यामुळे झाले.

आपले उत्कृष्ट नियोजन उत्तम व्यवस्थापन व कामाची सचोटी यामुळेच ही स्पर्धा कार्यक्रम उत्तमप्रकारे पार पडली याबद्दल मी अभय दळवी विद्यार्थी प्रमुख या नात्याने आपले मनःपूर्वक अभिनंदन करतो.

असेच विविध क्षेत्रातील कार्यक्रम आपल्या मार्गदर्शनाखाली आयोजित करून शाळेचा नावलौकिक जिल्ह्यामध्ये व्हावा ही अपेक्षा.

कळावें,
आपला नम्र,
अभय दळवी,
विद्यार्थी प्रतिनिधी,
जनता विद्यालय,
अहमदनगर.