Question

खालील निवेदन वाचा व त्याखालील कृती सोडवा:

संत गाडगेबाबा विद्यालय, संतभूमी चौक, अमरावती. शाळेच्या ‘विद्यार्थी मंडळ’ तर्फे आयोजित ‘एकपाती अभिनय स्पर्धा’ दि. 3 जानेवारी, स. 11 वा. [email protected]                - मुख्याध्यापक

अशोक/आशा पवार, विद्यार्थी प्रतिनिधी या नात्याने स्पर्धेसाठी शाळेचे सभागृह उपलब्ध करून देण्याची विनंती करणारे पत्र शाळेच्या मुख्याध्यापकांना लिहा.

Answer 1

दिनांक: 26 जानेवारी, 2024
प्रति,
माननीय,
मुख्याध्यापक,
संत गाडगेबाबा विद्यालय,
संतभूमी चौक, अमरावती - 444 601
E-mail: [email protected]

विषय: स्पर्धेसाठी शाळेचे सभागृह उपलब्ध करून देण्यासाठी.

माननीय सर,

मी, कु. आशा पवार, आपल्या संत गाडगेबाबा विद्यालयाची विद्यार्थी प्रतिनिधी या नात्याने हे पत्र लिहित आहे. क्रांतिज्योती सावित्रीबाई फुले जयंतीनिमित्त आयोजित “एकपात्री” अभिनय स्पर्धेसाठी आपल्या शाळेचे सभागृह उपलब्ध करून द्यावे, अशी नम्र विनंती मी या पत्राद्वारे करत आहे.

शाळेच्या “विद्यार्थी मंडळा” तर्फे ऐतिहासिक वीरांगनांच्या जीवनावर आधारित ही स्पर्धा 1 फेब्रुवारी 2024 रोजी सकाळी 11 वाजता आयोजित केली आहे. आपल्या दिलेल्या निवेदनामध्ये स्पर्धेबाबत माहिती वाचली असून, होतकरू कलाकारांच्या कौशल्यांना या उपक्रमामुळे प्रोत्साहन मिळेल, असे मला वाटते.

आपल्या शाळेचे सभागृह प्रशस्त असून, शांत परिसरात वसलेले आहे. सभागृहात मोठे व्यासपीठ, रंगमंच आणि 500 लोकांसाठी आसनव्यवस्था उपलब्ध आहे. ध्वनिसंयोजन आणि प्रकाशव्यवस्थेची चांगली सोय असल्यामुळे स्पर्धकांना कोणतीही अडचण येणार नाही. त्यामुळे ही स्पर्धा आपल्या सभागृहात आयोजित करावी, अशी विद्यार्थ्यांच्या मंडळातील सर्व सदस्यांची इच्छा आहे.

आपले सभागृह स्पर्धेसाठी उपलब्ध करून दिल्यास आम्ही त्याचे नीटपणे व्यवस्थापन करू. आपल्या सकारात्मक उत्तराची अपेक्षा आहे. त्वरित उत्तर कळवावे ही विनंती.

आपली विश्वासू
आशा पवार,
विद्यार्थी प्रतिनिधी,
अमरावती.