Question

खालील निवेदन वाचा व त्याखालील कृती सोडवा.

आदर्श विद्यालय बोपर्डी, ता. वाई, जि. सातारा तालुकास्तरीय आंतरशालेय चित्रकला स्पर्धा स्पर्धा दोन गटांसाठी आयोजित गट क्र. 1 - इ. 5वीं ते इ. 7वीं गर क्र. 2 - इ. 8वीं ते इ. 10वीं
स्पर्धेचे ठिकाण आदर्श विद्यालय, मुख्य सभागृह, बोपर्डी, ता. वाई, जि. सातारा दि. 14 नोव्हेंबर	वेळ - सकाळी 9.00 ते 11.00 अधिकाधिक विद्यार्थ्यांनी स्पर्धेत भाग घ्यावा - मुख्याध्यापक

विद्यार्थी प्रमुख या नात्याने स्पर्धेत इ. 10वीं - अ या वर्गातील वीस विद्यार्थ्यांना स्पर्धेत सहभागी करून घेण्याची विनंती करणारे पत्र मा. मुख्याध्यापकांना लिहा.

Answer 1

दिनांक: 10 ऑक्टोबर 2018
प्रति,
मुख्याध्यापक
आदर्श विद्यालय
बोपर्डी, ता. वाई, जि. सातारा
 [email protected]

विषय: तालुकास्तरीय आंतरशालेय चित्रकला स्पर्धेमध्ये प्रवेशाबाबत

माननीय मुख्याध्यापक,

आपण आपल्या शाळेमध्ये तालुकास्तरीय आंतरशालेय चित्रकला स्पर्धा आयोजित केली आहे. त्याबद्दल मी संतोष देशमुख विद्यार्थी प्रतिनिधी या नात्याने आपले आभार मानतो. तसेच विद्यार्थी प्रतिनिधी या नात्याने या स्पर्धेत इ. 10वीं - अ या वर्गातील वीस विद्यार्थी सहभाग घेऊ इच्छितात.

हे विद्यार्थी अभ्यासामध्ये खूप हुशार आहेत तसेच त्यांची चित्रकला पण खूप चांगली आहे. अभ्यास सांभाळून ते या कलेकडे लक्ष देतात. तेव्हा या विद्यार्थ्यांना आपण आयोजित केलेल्या चित्रकला स्पर्धेमध्ये प्रवेश मिळाल्यास स्पर्धेमुळे त्यांच्यातील कलेच्या ज्ञानामध्ये भर पडेल व पुढील जीवनात हे ज्ञान उपयोगी पडेल.

तरी मी संतोष देशमुख विद्यार्थी प्रतिनिधी या नात्याने आपणास विनंती करतो की या विद्यार्थ्यांना आपल्या चित्रकला स्पर्धेमध्ये सहभागी करून घ्यावे.

कळावें,
आपला नम्र,
संतोष देशमुख,
विद्यार्थी प्रतिनिधी,
आदर्श विद्यालय,
बोपर्डी.