Question

‘उत्तम आरोग्य हीच खरी संपत्ती’ ‘क्रीडासंकुल’ नगर तर्फे योगासन शिबिर विदयार्थ्यांसाठी सुवर्णसंधी शास्त्रशुद्ध प्रशिक्षण नाममात्र प्रवेश फी तज्ज्ञ प्रशिक्षक स्थळ - क्रीडासंकुल सभागृह क्र. 0१ दि. १५ जून ते २० जून वेळ: सकाळी ७.०० ते ९.०० संपर्क - [email protected] आयोजक

विदयार्थी प्रमुख या नात्याने - तुमच्या शाळेतील शारीरिक शिक्षणाच्या शिक्षकांची या शिबिरासाठी तज्ज्ञ म्हणून निवड झाली आहे. त्यांचे अभिनंदन करणारे पत्र लिहा.

Answer 1

 ५ जून २०२५
प्रति,
मा. शारीरिक शिक्षण शिक्षक,
आदर्श विद्यालय,

विषय: योगासन शिबिरासाठी तज्ज्ञ म्हणून निवड झाल्याबद्दल हार्दिक अभिनंदन

आदरणीय सर,

‘क्रीडासंकुल’ नगर तर्फे आयोजित दि. १५ जून ते २० जून या कालावधीत होणाऱ्या योगासन शिबिरासाठी आपली तज्ज्ञ म्हणून निवड झाल्याचे समजताच आम्हा सर्व विद्यार्थ्यांना अत्यंत आनंद झाला. ही निवड आपल्या परिश्रम, ज्ञान आणि विद्यार्थ्यांप्रती असलेल्या समर्पणाची पावती आहे.

आपण नेहमीच आम्हाला शारीरिक तंदुरुस्तीचे महत्त्व पटवून दिले आहे. आपल्या मार्गदर्शनामुळे अनेक विद्यार्थ्यांनी क्रीडा क्षेत्रात उल्लेखनीय यश संपादन केले आहे. आता या शिबिराच्या माध्यमातून आपण अधिकाधिक विद्यार्थ्यांना योग्य आणि शास्त्रशुद्ध प्रशिक्षण देऊ शकाल, याचा आम्हाला अभिमान आहे.

आपल्या या यशाबद्दल मनःपूर्वक अभिनंदन! भविष्यातही आपण अशाच प्रकारे यशाची शिखरे गाठावीत, हीच सदिच्छा.

आपला नम्र,
संतोष देशमुख,
विद्यार्थी प्रमुख
आदर्श विद्यालय,