Question

खालील विद्युत निर्मिती केंद्रात टप्याटप्याने होणारे उर्जा रूपांतरण स्पष्ट करा.

औष्णिक विद्युत निर्मिती केंद्र

Answer 1

औष्णिक ऊर्जेवर आधारित विद्युत ऊर्जा निर्मिती केंद्र वाफेवर चालणारे टर्बाइन वापरले जाते. येथे कोळशाचे ज्वलन केले जाते. त्यातून निर्माण झालेल्या उष्णता ऊर्जेचा उपयोग करून बॉयलरमध्ये पाणी तापवतात. या पाण्यापासून उच्च तापमानाची आणि उच्च दाबाची वाफ निर्माण होते, जिच्या शक्तीने टर्बाइन फिरतात. नंतर टर्बाइनला जोडलेले जनित्र फिरून विद्युत निर्मिती होते. याच वाफेचे रूपांतर पुन्हा पाण्यात करून ते बॉयलरकडे पाठवले जाते. अशा रितीने औष्णिक विद्युत निर्मिती केंद्रात औष्णिक ऊर्जा - गतिज ऊर्जा, गतिज ऊर्जा - यांत्रिक ऊर्जेत आणि यांत्रिक ऊर्जा - विद्युत ऊर्जेत रूपांतरित होते.