Question

‘झिजलात तरी चालेल पण गंजू नका’, या विचारातून तुम्हांला मिळालेला संदेश सविस्तर लिहा.

Answer 1

विश्वेश्वरय्या हे विज्ञान युगातील विश्वकर्मा होते. पंडित नेहरू यांनी "निष्ठावान, चारित्र्यवान व विशाल दृष्टिकोन असलेले अभियंता" हे उद्‌गार विश्वेश्वरय्या यांना उद्देशून काढले होते. "झिजलात तरी चालेल पण गंजूं नका" असा संदेश विश्वेश्वरय्या यांनी तरुण पिढीला दिला होता. ज्याप्रमाणे एखादे यंत्र झिजेल या भीतीने वापरणे बंद केले तर ते गंजून जाते आणि नष्ट होते. त्याचप्रमाणे कष्ट नको म्हणून एखादा तरुण आराम करीत राहिला तर त्याच्या बुद्धीवर गंज चढेल आणि त्याची कर्तृत्व शक्‍ती नष्ट होईल. जीवनात यशस्वी व्हायचे असेल तर आपण जे कार्यक्षेत्र निवडले, त्यात स्वतःला झोकून दिले पाहिजे. आपली सर्व शक्ति पणाला लावली पाहिजे. हेच विश्वेश्वरय्या यांना वरील संदेशातून तरुण पिढीला सांगायचे आहे.