Question

दादू या पाठातील तुम्हांला सर्वांत आवडलेली बाब तुमच्या शब्दांत लिहा.

Answer 1

दादूने लेखकांना बिअर आणण्यास ठाम नकार दिला व लेखकांना अनिष्ट  गोष्ट करण्यापासून परावृत्त केले, ही पाठातील बाब मला सर्वांत आवडली. हे कृत्य करताना दादूला लेखकांच्या जागी स्वतःचा मुलगा दिसला. दादू वडिलांच्या भावनेने भारावून रडू लागला. "नोकरीकरिता मी रडत नाही, साहेब, तुमच्याऐवजी माझा मुलगा असता, तर मला जेवढं दु:ख झालं असतं, तेवढं मघाशी तुम्ही दुकानावर जायला सांगितलं, तेव्हा झालं. या दादूच्या उद्गारांतून त्याची लेखकांविषयीची तळमळ व आस्था दिसते. या प्रसंगातून वाचकांचे मन हेलावून जाते आणि आपल्याला प्रामाणिकपणाची व निष्ठेची शिकवण मिळते.