Question

विश्वकोशाचा उपयोग तुम्हांला मराठी भाषेतील ज्ञान प्राप्त करण्यासाठी कसा होऊ शकेल, ते लिहा.

Answer 1

विश्वकोश हा सर्वविषयसंग्राहक असल्याने त्यात विविध विषयातील विविध शब्दांचा अर्थासहित समावेश असतो. मराठी भाषेतील ज्ञान प्राप्त करण्यासाठी मी रोज विश्वकोशातील एक नवीन शब्द वाचण्याचा, तो समजून घेण्याचा प्रयत्न करेन. हा नवा शब्द मित्र-मैत्रिणींना सांगेन. शाळेतील फळ्यावर तो शब्द अर्थासहित लिहित जाईन. जेणेकरून दिवसभरात तो नवीन शब्द सर्वांच्या नजरेसमोर राहील व सर्वांच्या शब्दसंपत्तीत भर पडेल. बाराखडीतील स्वर आणि व्यंजन, अकारविल्हे यांचे ज्ञान पक्के करण्यासाठीही विश्वकोशाची मदत होईल. वाचनात आलेले कठीण शब्द विश्वकोश वापरून मी समजून घेईन.