Question

‘तुम्ही केलेला जंगल प्रवास’, याविषयी थोडक्यात माहिती लिहा.

Answer 1

माझा पश्चिम घाटातील भीमाशंकर अभयारण्यातील प्रवास अविस्मरणीय होता. आम्ही भर पावसात ट्रेक करण्यासाठी भीमाशंकरला गेलो होतो. वर टेकडीवर शंकराचे मंदिर पाहिल्यावर आम्ही आजूबाजूचा वन्य परिसर पाहिला. घनदाट झाडी, अनेक प्रकारची झाडे आणि पक्षी – पाखरांच्या आवाजात आम्ही जंगलाची पायवाट तुडवत होतो. महाराष्ट्राचे मानचिन्ह मानले जाणाऱ्या शेकरू या प्राण्याचे भीमाशंकर हे माहेरघर आहे. त्यामुळे, शेकरू दर्शनाची आम्हांला ओढ लागली होती. शेकरू व्यतिरिक्त या जंगलात बिबट्या, वाघ, सांबर, हरीण, कोल्हा, साळींदर, लांडगे, वानर, मोर यांसारखे वन्यजीवही वास करतात. त्यामुळे, आम्ही सावधपणे पुढे जात होतो.

जोराचा पाऊस होता, अशावेळी प्राणी शक्यतो बाहेर पडत नाहीत, त्यामुळे आम्ही सुरक्षित होतो. दुपारहून पाऊस ओसरला. आम्ही थोड्या मोकळ्या भागात विश्रांतीसाठी थांबलो. जवळपास जांभूळ, बोरांची झाडे होती. मध्येच झाडांची पाने सळसळली, त्या दिशेने पाहिले तर दोन शेकरू एका उंच झाडावर चढत होते. वर त्यांचे घरटे असावे. ती नर–मादीची जोडी होती. शेकरू अतिशय गोंडस दिसतो व थोडा घाबरट, लाजाळू असतो. ते माणसांच्या जवळ येत नाही. आम्हांला पाहून ते शेकरू जे झाडावर चढले ते खाली उतरलेच नाहीत; पण भीमाशंकरला येण्यामागची आमची इच्छा पूर्ण झाली होती. आम्हांला शेकरूदर्शन झाले होते!

Answer 2

गेल्या आठवड्यात मी माझ्या शाळेतील सहलीत जंगल प्रवास केला. सकाळी आम्ही बसने जंगलात पोहोचलो. तिथे हिरवळ, उंच झाडे आणि विविध पक्ष्यांचे गोड आवाज ऐकायला मिळाले. वातावरण अतिशय शांत आणि ताजेतवाने होते.

जंगलात चालताना आम्हाला अनेक प्रकारची झाडे, औषधी वनस्पती व प्राणी दिसले. माकडे, हरणे, ससे आणि रंगीबेरंगी पक्षी पाहून आम्हाला खूप आनंद झाला. शिक्षकांनी आम्हाला वनसंवर्धनाचे महत्त्व आणि झाडांचे आपल्यासाठी असलेले उपकार समजावून सांगितले.

या प्रवासामुळे आम्हाला निसर्गाजवळ राहण्याचा अनुभव मिळाला आणि जंगलाचे संरक्षण किती आवश्यक आहे हेही समजले. हा प्रवास माझ्यासाठी खूप ज्ञानदायी आणि आनंददायी ठरला.