Question

‘प्राण्यांचे गंधज्ञान’ या संकल्पनेबाबत तुमचे मत लिहा.

Answer 1

प्राणी जगतातील अनेक पशूंना निसर्गाने एक आगळेवेगळे वरदान दिले आहे, ते म्हणजे गंधज्ञान. सर्व सस्तन प्राण्यांना गंधज्ञान अवगत असते. काहींमध्ये ते तीव्र व अधिक प्रभावी असते, तर काही पशूंमध्ये ते अगदी सामान्य पातळीवर कार्यरत असते. आपल्या आसपास आढळणाऱ्या कुत्रा, मांजर, उंदीर, ससा, गाई, म्हशी, हत्ती, घोडा यांसारख्या अनेक प्राण्यांना विविध गोष्टींचा गंध हुंगून ज्ञान मिळवता येते. मांसाहारी प्राणी शिकार करण्याकरता भक्ष्य प्राण्याचा गंध हुंगतात. काही प्राणी धोकादायक वस्तू, कीटक यांचा गंध हुंगून स्वत:चे रक्षण करतात. या बाबतीत कुत्रा हा प्राणी चाणाक्ष असतो. त्याच्या प्रभावी घाणेंद्रियानी तो कितीही दूरवरचा सूक्ष्म गंध हुंगून सर्वांना सावध करतो. याच कारणासाठी बॉम्बशोध पथकांमध्ये कुत्र्यांचा समावेश केला जातो. तसेच, घराची राखण करण्याच्या कामीही त्याची मदत होते. अशाप्रकारे, प्राण्यांचे गंधज्ञान हे निसर्गाने त्यांना दिलेले एक वरदान आहे.