Question

‘उत्तम लेखक होण्यासाठी उत्तम वाचक होणे आवश्यक असते’, याबाबत तुमचे विचार स्पष्ट करा.

Answer 1

उत्तम लेखक होण्यासाठी उत्तम वाचक होणे आवश्यक असते' हे विधान मला पटते. वाचनामुळे विविध साहित्यप्रकार परिचयाचे होतात. त्या-त्या साहित्यप्रकारांची वैशिष्ट्ये लक्षात येतात. साहित्याच्या वाचनाने आपले अनुभवविश्व समृद्ध होते, विचारांना चालना मिळते. म्हणजेच, मनोरंजनासोबत ज्ञानही वाढते. अधिकाधिक शब्दसंपत्ती मिळवता येते. एकच साहित्यप्रकार वेगवेगळ्या लेखकांनी कसा हाताळला याचे ज्ञान मिळते. या अभ्यासातून आपल्याला आपली लेखनशैली निश्चित करता येते. साहित्याच्या वाचनाने आलेली प्रगल्भता व शब्दसामर्थ्य लेखनाच्या माध्यमातून कागदावर उमटते. त्यामुळेच, लेखन करण्यासाठी वाचनाची खूप आवश्यकता असते असे मला वाटते.