Question

उताऱ्याच्या आधारे सूचनेनुसार कृती करा:

अभिषेकनं दार उघडलं आणि कामवाल्या रेखामावशी आत आल्या. आल्या आल्या त्यांनी किचनमधील सिंकमध्ये वाट पाहणाऱ्या भांडयांकडे आपला मोर्चा वळवला. अभिषेकला आज उठायला उशीरच झाला होता. काल त्यांच्याकडे सुमित आला होता कानपूरहून. सुमित म्हणजे अभिषेकचा आतेभाऊ. तो आय. आय. टी. कानपूरला शिकत होता. काल संध्याकाळी सुमित आल्यापासून गप्पांसोबत सुमितच्या लॅपटॉपवर त्यानं केलेले नवे प्रोजेक्ट अभिषेक पाहत होता. त्यामुळे रात्री झोपायला दोन वाजले. “काय हो हे, तुम्हीच फरशी पुसता आणि तुम्हीच ती घाण करता?'' हॉलमधून स्नेहलचा आवाज आला. अभिषेक हॉलमध्ये आला तर रेखामावशी  फरशी पुसत होत्या; पण मागे त्यांच्या पायाचे काळे मळकट ठसे पुसलेल्या फरशीवर उमटले होते. स्वच्छतेची भोक्ती असलेली स्नेहल त्यामुळे त्रासली होती. रेखामावशीही बिचाऱ्या वरमल्या होत्या. "अवो, स्नेहाताई, मी कुठं एसीत बसूनशान काम करत्ये बाई. शेनामातीत काम करावं लागतं! आन आमच्या वस्तीचा रस्ता बी समदा उखणलाय. समदी धूळ लागती पायास्नी. आन धा-धा मिन्टाला हातपाय धोयाला येळ बी नाय आन पानी तरी कुठं हायबक्कळ?”' "सॉरी, मावशी खरंच सॉरी,'' आपण त्यांच्या मळकट पायाबद्दल बोललो याचं स्नेहललाही कसंतरी वाटलं.

1. आकृती पूर्ण करा:        (2)
   
   
   
2. चौकटी पूर्ण करा:        (2)
   1. दार उघडणारा - ______
   2. फरशी पुसणाऱ्या - ______
   3. अभिषेकचा आतेभाऊ - ______
   4. स्वच्छतेची भोक्ती - ______
3. स्वमत:
   'सर्वांनी आठवड्यातून एकदातरी सायकलचाच वापर करावा' या वाक्याचा तुम्हाला समजलेला अर्थ लिहा.        (3)

Answer 1

1. 
   
2. 
   
   1. दार उघडणारा - अभिषेक
   2. फरशी पुसणाऱ्या - रेखामावशी
   3. अभिषेकचा आतेभाऊ - सुमित
   4. स्वच्छतेची भोक्ती - स्नेहल

3. “फूटप्रिन्ट्स” या पाठात डॉ. प्रदीप आवटे यांनी ग्लोबल वॉर्मिंग आणि प्रदूषणाच्या विळख्यात अडकलेल्या पृथ्वीला वाचवण्यासाठी काही उपाय सुचवले आहेत, त्यापैकी सायकलचा वापर हा एक सोपा आणि प्रभावी उपाय आहे.
   पावडे काका खाजगी गाडी वापरून प्रवास करतात, ज्यामुळे पेट्रोल जळते आणि हवेत कार्बन डायऑक्साईड सारखा विषारी वायू मिसळतो. अशा प्रकारे आपणही प्रदूषण वाढवत जागतिक तापमानवाढीला हातभार लावतो, ज्यामुळे उष्माघात, वणवे, अवर्षण यांसारख्या संकटांचा धोका वाढतो. पर्यावरण संरक्षण आणि संवर्धन हाच या समस्येचा उपाय आहे.
   त्यासाठी वृक्षारोपण, वृक्षसंवर्धन आणि सायकलचा वापर असे उपाय उपयुक्त ठरतात. सायकलसाठी पेट्रोल किंवा डिझेल लागत नाही; फक्त चाकात हवा भरून ती चालवता येते. कमी अंतरासाठी सायकलचा वापर केल्यास हवेचे प्रदूषण होणार नाही. त्यामुळे लेखकाने सर्वांनी आठवड्यातून एकदा तरी सायकल वापरण्याचा सल्ला दिला आहे.
   सायकल चालवणे हा आरोग्यासाठी उत्तम व्यायाम आहे. पाय आणि पोटाचे स्नायू मजबूत होतात, स्थूलपणा कमी होतो, आणि शरीर सुदृढ व सक्रिय राहते. त्यामुळे, सायकल वापर हा पर्यावरण रक्षण आणि निरोगी आयुष्यासाठी एक सोपा उपाय आहे.