Question

(संतवाणी-(अ) जैसा वृक्ष नेण) प्रस्तुत अभंगातून संतांना दिलेल्या वृक्षाच्या उपमेसंदर्भातील तुमचे मत स्पष्ट करा.

Answer 1

संत नामदेवांनी आपल्या अभंगात संतांची तुलना वृक्षांशी केली आहे. वृक्ष एका जागी स्थिर असून, ते निस्वार्थीपणे मानवाला फळे, फुले, पाने आणि सावली देतात, ते ही कोणतीही अपेक्षा न ठेवता. तसेच, संतही निस्वार्थ भावनेने लोकांना ज्ञान देतात. वृक्षांच्या प्रति कोणी प्रेम केले किंवा नुकसान पोहचविले तरी त्यांची उदारता कमी होत नाही. संतही त्याच प्रकारे मान वा अपमानाच्या पलीकडे असतात आणि त्यांना निंदा आणि स्तुती समानच वाटते. सज्जनांचे मन वृक्षांप्रमाणेच अचल असते. त्यामुळे संतांना वृक्षांची उपमा देणे हे योग्य आहे.