Question

पर्यटनाचे उद्देश कोणकोणते असतात?

Answer 1

भारत हा विविधतेने नटलेला देश आहे. भारतात विविध संस्कृती, हवामान, धर्म आणि पर्यटन स्थळे आहेत. त्यामुळे भारत हे पर्यटनाचे आकर्षण केंद्र आहे. पर्यटनाची काही उद्दिष्टे खालीलप्रमाणे आहेत:

1. पर्यटन व आर्थिक विकास: पर्यटन विकासातून भारतीय अर्थव्यवस्थेला मोठा फायदा होतो. पर्यटनातून उपाहारगृहे, दुकाने, वाहतूक व्यवस्था, मनोरंजनाची ठिकाणे इत्यादी घटकांचा विकास होऊन अर्थव्यवस्थेस प्रत्यक्ष फायदा होतो. त्याचबरोबर पायाभूत सुविधांचा विकास होतो व रोजगारनिर्मिती होते. यातून अर्थव्यवस्थेला अप्रत्यक्ष फायदा होतो.
2. पर्यटन व आरोग्य: पर्यटन अप्रत्यक्षपणे अर्थव्यवस्थेतील आरोग्य सुविधेला प्रोत्साहन देते. जेव्हा पर्यटकांना एखाद्या देशाला भेट देण्यास प्रोत्साहन दिले जाते तेव्हा राज्य चांगल्या रुग्णालयाची सुविधा सुनिश्चित करते. चांगल्या आरोग्य सुविधेमुळे देशातील पर्यटकांची संख्या वाढेल. आज अनेक देशांमध्ये वैद्यकीय पर्यटनाला चालना दिली जात आहे.
3. सामाजिक विकास: पर्यटनामुळे सामाजिक विकासाला चालना मिळते. पर्यटकांच्या भेटीमुळे सामाजिक संस्कृतीची देवाणघेवाण होते. हे ग्रामीण आणि शहरी जीवनशैली सुधारते आणि जीवनमान वाढवते.
4. आनंद मिळवणे, मनोरंजन करणे: आनंद, मनोरंजन, व्यापार, मुक्काम इत्यादीसाठी घरापासून दूर असलेल्या विविध ठिकाणी भेटी देणे याला पर्यटन म्हणतात.
5. शेतीचे जीवन जाणून घेणे: शहरी जीवनातील बदलासाठी, पर्यटक शेतावर राहतात आणि कृषी पर्यटनामध्ये पैसे देऊन शेतकऱ्यांचा पाहुणचार स्वीकारतात. महाराष्ट्रातील पुणे आणि कोल्हापूर जिल्ह्यात अनेक कृषी-पर्यटन केंद्रे विकसित झाली आहेत.