Question

‘मॉलच्या अतिक्रमणामुळे छोट्या दुकानदारांना फटका बसतो’ याबाबत तुमचे मत स्पष्ट करा.

Answer 1

शहरे वाढत जात आहेत आणि त्यासोबत लोकांच्या गरजाही वाढत आहेत. या गरजा पूर्ण करण्यासाठी 'मॉल'ची संख्या वाढत आहे. पूर्वी शहरात लहान दुकानदार होते आणि विशिष्ट वस्तू विशिष्ट दुकानात मिळायच्या. पण मॉलमध्ये सर्व प्रकारच्या वस्तूंची दुकाने एकत्रच असतात. याचबरोबर, मॉलमध्ये खाद्यपदार्थांची दुकाने, हॉटेल्स आणि सिनेमागृहेही असतात. मॉलचे झगमगाट आणि आकर्षक वातावरण लोकांना आकर्षित करते. महागड्या वस्तू दर्जेदार असतात असा गैरसमजही लोकांमध्ये आहे. यात आकर्षक जाहिरातींची भर पडल्याने लोकांना मॉलमध्ये जायला आवडते. परिणामी, लोक लहान दुकानांकडे दुर्लक्ष करू लागतात आणि मॉलमध्ये खरेदी करण्याला प्राधान्य देतात. यामुळे छोट्या दुकानदारांना मोठा फटका बसतो.