Question

कोणत्या प्रकारचा पाऊस जगात सर्वाधिक भागांत पडतो? का?

Answer 1

1. पर्वतरांगांच्या अडथळ्यामुळे पडणाऱ्या पावसाला प्रतिरोध पाऊस म्हणतात. जगातील सर्वाधिक प्रदेशात प्रतिरोध प्रकारचा पाऊस आढळतो.
2. पृथ्वीचा सुमारे ७० टक्के भाग पाण्याने व्यापलेला असल्यामुळे बाष्पयुक्त वारे समुद्राकडून जमिनीकडे वाहून येण्याचे प्रमाण जगभर जास्त आहे. याउलट, आरोह वा आवर्त पावसाची परिस्थिती सर्वत्र व सतत आढळत नाही.
3. पृथ्वीवर अनेक पर्वतरांगा व डोंगररांगा असल्यामुळे बाष्पयुक्त वार्यांना अडथळा निर्माण होतो. त्यामुळे हे वारे वरच्या दिशेने जातात, सांद्रीभवन होते आणि पाऊस पडतो. या प्रकारच्या पावसाचे क्षेत्र जगभर मोठ्या प्रमाणावर आढळते.
4. याच्या तुलनेत, आरोह पाऊस केवळ विषुववृत्तीय भागात पडतो तर आवर्त पाऊस मुख्यतः समशीतोष्ण कटिबंधात आढळतो. थोडक्यात, प्रतिरोध पाऊस हा पृथ्वीवरील सर्वाधिक प्रमाणात आढळणारा पाऊस आहे.