Question

खालील उतारा अभ्यासून त्यावरील विचारलेल्या प्रश्नांची उत्तरे लिहा:

डिजिटल मार्केटिंगला ऑनलाइन मार्केटिंग म्हणतात. यामध्ये इंटरनेट आणि इतर डिजिटल संप्रेषणाचा वापर करून संभाव्य ग्राहकांशी कनेक्ट होता येते. यामध्ये केवळ ई-मेल, सोशल मीडिया आणि वेब आधारित जाहिरातींचा समावेश नसून मार्केटिंग चॅनेल म्हणून मजकूर आणि मल्टीमीडिया संदेश देखील समाविष्ट आहेत. सद्यस्थितीत डिजिटल मार्केटिंग सामान्यतः संगणक, फोन, टॅबलेट किंवा अन्य डिव्हाइसवर दिसणाऱ्या विपणन मोहिमांचा संदर्भ देते. ऑनलाइन व्हिडीओ, डिस्प्ले जाहिराती, शोध इंजिन मार्केटिंग, सशुल्क सामाजिक माध्यमांवरील जाहिराती आणि सोशल मीडिया पोस्ट यासह ते अनेक प्रकार घेऊ शकतात. डिजिटल मार्केटिंगची तुलना ‘पारंपरिक विपणना’ सोबत केली जाते ज्यामध्ये मासिकामधील जाहिरात आणि प्रत्यक्ष मेल (mail) इत्यादींचा समावेश होतो. अमेरिकेमध्ये ३/४ अमेरिकन दररोज ऑनलाइन असतात. इतकेच नाही तर ४३% दिवसातून एकापेक्षा जास्त वेळा ऑनलाइन असतात. २६% लोक सातत्याने ऑनलाइन असल्याने डिजिटल मार्केटिंगचा वापर करणे सोयीस्कर ठरले आहे. आपल्या उत्पादन किंवा सेवांमध्ये स्वारस्य असणाऱ्या ग्राहकांशी संपर्क करण्यासाठी डिजिटल मार्केटिंगचे धोरण तुम्हाला वेगवेगळ्या चॅनेलचा फायदा करून देते, जसे सोशल मीडिया, पे-पर-क्लिक (pay per-click), सर्च इंजिन, इ-मेल मार्केटिंग इत्यादी. परिणामस्वरूप एक व्यक्ती एक बँड तयार करू शकतो, जो उत्कृष्ट ग्राहक अनुभव देतो.

प्रश्न:

1. डिजिटल मार्केटिंग म्हणजे काय?     (1)
2. अमेरिकेमध्ये एकापेक्षा जास्त वेळा किती टक्के लोक ऑनलाइन असतात?     (1)
3. वरील उताऱ्याविषयी आपले मत लिहा.     (2)

Answer 1

1. डिजिटल मार्केटिंग म्हणजे ऑनलाइन मार्केटिंग होय, ज्यामध्ये इंटरनेट आणि डिजिटल दळणवळण माध्यमांचा वापर करून ग्राहकांशी संपर्क साधला जातो.
2. ४३% अमेरिकन नागरिक दिवसातून एकदापेक्षा जास्त वेळा ऑनलाइन जातात.
3. डिजिटल मार्केटिंग अत्यंत उपयुक्त आहे कारण ते व्यवसायांना विविध डिजिटल चॅनेलद्वारे ग्राहकांशी सहज जोडण्यास मदत करते. हे सोयीस्कर आहे आणि एक मजबूत ब्रँड तयार करण्यासाठी तसेच ग्राहकांना उत्तम अनुभव देण्यासाठी मदत करते.