Question

खालील मुद्दयांचा आधारे कवितेसंबंधी कृती सोडवा.

उत्तमलक्षण

1. प्रस्तुत कवितेचे कवी/कवयित्री. (१)
2. प्रस्तुत कवितेचा विषय. (१)
3. प्रस्तुत कविता तुम्हांला आवडली किंवा न आवडली ते सकारण स्पष्ट लिहा. (२)

Answer 1

1. कवी - संत रामदास
2. आदर्श व्यक्तीची लक्षणे स्पष्ट करून मानवाने 'काय करावे' आणि 'काय करू नये' यांबाबत मार्गदर्शन करणे हा कवितेचा विषय आहे.
3. 'उत्तमलक्षण' या कवितेत संत रामदास यांनी आदर्शत्वाची संकल्पना स्पष्ट केली आहे. 'काय करावे' व 'काय करू नये' यांबाबतचे त्यांचे मार्गदर्शन मला विशेष आवडले. परपिडा, उपकार यांसारख्या उपसर्गघटित, तर सत्यमार्ग यासारख्या सामासिक शब्दांचा वापर केल्यामुळे मराठी भाषेची समृद्धी या कवितेतून जाणवते. प्रत्येक ओवीच्या पहिल्या तीन चरणांत 'नये' या शब्दाची पुनरावृत्ती होऊन यमक साधले आहे. यामुळे, कविता नादमय झाली आहे. तसेच, ही कविता आपल्याला जीवन कसे जगावे याचा आदर्शच घालून देते. या सर्व वैशिष्ट्यांमुळे मला ही कविता खूप आवडते.