Question

उताऱ्याच्या आधारे सूचनेनुसार कृती करा. गुण (०७)

आकलन कृती

१. आकृती पूर्ण करा. (०२)

अ)

ब)

फारच भयंकर! कल्पना करता येणार नाही, असा भयंकर अपघात झाला असता. स्टेशनमास्तरांनी लगेचच गाडी दीर्घकाळ थांबवण्याचा आदेश दिला आणि ते या घटनेचा पंचनामा करायला लागले. घटनेचं गांभीर्य लक्षात घेऊन जिल्हाधिकारी, जिल्हा पोलीस अधीक्षक, सारे अधिकारी तत्काळ त्या ठिकाणी जमा झाले. पहिली खबर देणारा म्हणून निरंजनलाही थांबावं लागलं. एवढा मोठा अपघात त्याच्या चाणाक्षपणामुळे टळला म्हणून त्याचं कौतुकही झालं; परंतु त्या वेळी निरंजन मात्र दूर एका झाडाखाली बसला होता. तो निराश झाला होता. त्याचा नागरिकशास्त्राचा पेपर चुकला होता. तो नापास होणार होता. त्याला गुरुजींकडून मिळणाऱ्या सगळया सवलती रद्द होणार होत्या. निरंजनच्या जवळ येऊन वार्ताहरांनी त्याचं नाव विचारलं. फोटोही काढला. निरंजन उदास मनाने घरी परतला.

२. आकलन कृती 

 १. कृती पूर्ण करा. (०२)

i. घटनेचे गांभीर्य ओळखून तत्काळ त्या ठिकाणी जमा झालेले -

१. ______ २. ______ ३.______ ४. ______

ii. उदास मनाने घरी परतणारा - ______

३. स्वमत (०३)

कधी कधी दुसऱ्याचे भले होण्यासाठी आपल्याला काही नुकसान सहन करावे लागते. आपले मत व्यक्त करा.

Answer 1

१.

अ)

ब)

२.

i. १. जिल्हाधिकारी       २. जिल्हा पोलीस अधीक्षक

  ३. सारे अधिकारी       ४. स्टेशनमास्तर

ii. निरंजन

३. निरंजनप्रमाणे नि:स्वार्थीपणे इतरांच्या हिताचे काम करताना अनेक वेळा आपल्याला स्वत:ला नुकसान सहन करावे लागते; मात्र हे नुकसान बाजूला सारून त्या क्षणी इतरांच्या हिताच्या विचाराला प्राधान्य देण्यात खरी उदारता असते. बऱ्याच वेळा आपण आपला कार्यभार आटोपताना समोरची व्यक्ती संकटात सापडते. हे संकट मोठे आहे, त्याने त्या व्यक्तीचे प्रचंड नुकसान होऊ शकते याची जाणीव होणे व त्या जाणिवेतून त्या व्यक्तीला मदत करण्याची इच्छा होणे हे नि:स्वार्थीपणाचे लक्षण आहे. अशा नि:स्वार्थी भावाने केलेली मदत, सेवा हीच खरी ईश्वरसेवा असते. अशा वेळी आपल्या कामात आपले नुकसान होऊनही ते मान्य करून पुढे जाण्याची वृत्ती महत्त्वपूर्ण ठरते.