Question

सखू आजी व तुमची आजी यांच्या स्वभावातील साम्यस्थळ शोधा.

Answer 1

'सखू आजी' हा पाठ अभ्यासताना मलाही माझी आजी डोळ्यांसमोर येत होती, कारण सखू आजी व माझ्या आजीच्या स्वभावात मला काही साम्य आढळून आले. माझी आजी गावात एकटीच राहते. या वयातही तिचा कामातील उत्साह आश्चर्यचकित करणारा आहे. नवनवीन गोष्टी शिकण्यात माझी आजी सखू आजीसारखीच उत्साही आहे. एकटी राहत असल्याने आम्ही सर्वांनी तिला मोबाइल घेऊन दिला. सुरुवातीला वाटले, की केवळ आलेला फोन जरी तिने उचलला तरी खूप झाले; परंतु अगदी काही दिवसांतच आजी मोबाइलवरून फोन करणे व फोन घेणे या दोन्ही गोष्टी शिकली. एवढंच नव्हे, तर नवीन संपर्कक्रमांकही संग्रहित करू लागली. नव्या काळाची पावले ओळखून ती मोबाइल सफाईने हाताळायला शिकली.

आजी म्हणजे गोष्टींचा खजिना आहे. सखू आजीप्रमाणेच माझ्या आजीलाही लहान मुलांना गोष्टी सांगायला आवडते. आम्ही भावंडं गावी गेल्यावर आजीच्या गोष्टी ऐकूनच झोपतो. ती मुलींना उच्चशिक्षण द्यावे, स्वत:च्या पायावर उभे राहून त्यांनी उच्चपदी कार्य करावे या मताची आहे. सखू आजीप्रमाणेच माझ्याही आजीला गावात मान आहे. तिच्याही निर्णयाचा गावकरी आदर करतात. ती जरी एकटी राहत असली तरी एकटेपणाची जाणीव तिला होत नाही, कारण सखू आजीप्रमाणे संपूर्ण गावच तिचे कुटुंब आहे. अशाप्रकारे, सखू आजी आणि माझी आजी मला अनेक बाबतींत सारख्या वाटतात.