Question

मंडई बागायती शेतीची वैशिष्ट्ये लिहा.

Answer 1

जगातील अनेक शहरांमध्ये लोकसंख्येचे आत्यंतिक केंद्रीकरण झालेले आहे. जास्त घनतेच्या शहरांमधील लोकांची विविध स्वरूपाची दैनंदिन गरज भागवण्यासाठी फुले, फळे, भाजीपाला, अंडी, दूध अशा वस्तूंचे उत्पादन घेण्यासाठी या शहरांच्या सीमावर्ती प्रदेशात शेती केली जाते. शहरातील लोकांचे राहणीमानही उच्च असते, तसेच त्यांची क्रयशक्ती जास्त असते. त्यामुळे शहराच्या आजूबाजूच्या प्रदेशात बाजाराभिमुख शेतीचा विकास होतो. या शेतीत भाजीपाला, फळे, फुले, दुग्ध व्यवसाय अशा वस्तूंचे उत्पादन घेतले जाते. या वस्तू शहरांना ट्रकमधून रस्ता मार्गाने जलदरीत्या पोहोचवल्या जातात. मराठीत शेत जमिनीतून जास्तीत जास्त उत्पादन घेणे, त्यासाठी भांडवलाचा अधिक वापर, मानवी श्रमाबरोबरच शास्त्रीय ज्ञान व तंत्रज्ञानाचा पुरेपूर वापर आणि खतांचा व जलसिंचनाच्या सुविधांचा मुक्त वापर, ही या शेती प्रकाराची वैशिष्ट्ये आहेत. जगातील बहुतांशी सर्वच शहरांच्या आजूबाजूच्या प्रदेशात अशाप्रकारे मंडई शेतीचा विकास झाला आहे.