Question

खालील निवेदन वाचा व त्याखालील कृती सोडवा.

जनता विद्यालय अहमदनगर आयोजित जिल्हास्तरीय चित्रकला स्पर्धा दि. 2 जानेवारी वेळ स. 10.00 वाजता. संपर्क- मुख्याध्यापक, जनता विद्यालय, अहमदनगर. E-mail - [email protected] मोबाइल - 0211556680

अभय/आर्या दळवी, विद्यार्थी प्रतिनिधी या नात्याने

स्पर्धेत सहभागी करून घेण्याची विनंती करणारे पत्र मुख्याध्यापकांना लिहा.

Answer 1

दिनांक: 14 डिसेंबर, 2022

प्रति,
मुख्याध्यापक
जनता विद्यालय
अहमदनगर

विषय: जिल्हास्तरीय चित्रकला स्पर्धेमध्ये प्रवेशाबाबत.

माननीय मुख्याध्यापक,

आपण आपल्या शाळेमध्ये जिल्हास्तरीय चित्रकला स्पर्धा आयोजित केली आहे. त्याबद्दल मी अभय दळवी विद्यार्थी प्रतिनिधी या नात्याने आपले आभार मानतो. तसेच विद्यार्थी प्रतिनिधी या नात्याने या स्पर्धेत इ. 10वीं - अ या वर्गातील वीस विद्यार्थी सहभाग घेऊ इच्छितात.

हे विद्यार्थी अभ्यासामध्ये खूप हुशार आहेत तसेच त्यांची चित्रकला पण खूप चांगली आहे. अभ्यास सांभाळून ते या कलेकडे लक्ष देतात. तेव्हा या विद्यार्थ्यांना आपण आयोजित केलेल्या चित्रकला स्पर्धेमध्ये प्रवेश मिळाल्यास स्पर्धेमुळे त्यांच्यातील कलेच्या ज्ञानामध्ये भर पडेल व पुढील जीवनात हे ज्ञान उपयोगी पडेल.

तरी मी अभय दळवी विद्यार्थी प्रतिनिधी या नात्याने आपणास विनंती करतो की या विद्यार्थ्यांना आपल्या चित्रकला स्पर्धेमध्ये सहभागी करून घ्यावे.

कळावें,

आपला नम्र,
अभय दळवी,
विद्यार्थी प्रतिनिधी,
जनता विद्यालय,
अहमदनगर
E-mail - [email protected]
मोबाइल - 0211556680