Question

खालील निवेदन वाचा व त्याखालील कृती सोडवा.

जीवनज्योती विद्यालय, नांदगाव कथाकथन स्पर्धा पारितोषिक वितरण समारंभ दि. २२ जुलै वेळ : दुपारी ४ वा. प्रमुख पाहुणे – मा. श्री. अजय लागू अध्यक्ष : मा. श्री. उत्तम कांबळे संपर्क – [email protected] दीपक/दीपाली माने

विद्यार्थी प्रतिनिधी या नात्याने

पारितोषिक प्राप्त विद्यार्थी सुहास/सुनीता देसाई, यांचे अभिनंदन करणारे पत्र लिहा.

Answer 1

दिनांक: २३ जुलै, २०२०
प्रिय मित्र सुहास,

सप्रेम नमस्कार

आपल्या शाळेत झालेल्या कथाकथन स्पर्धेेमध्ये तू प्रथम क्रमांक मिळवलास. खूप आनंद झाला. गेली तीन वर्षे तुझी कथाकथन स्पर्धेत बक्षीस मिळवण्याची परंपरा तू या वर्षीही जपलीस. प्रमुख पाहुणे म्हणून लाभलेल्या मा. श्री. लागू सरांनी तसेच अध्यक्ष मा. श्री. कांबळे सरांनीही तुझ्या कथाकथनाचे कौतुक केले. तुझी भाषा, शब्दोच्चार, मांडणी, आत्मविश्वास या सगळेचा त्यांनी आवर्जून उल्लेख केला. तुझे कथाकथनातील नैपुण्य दिवसेंदिवस वाढत आहे, याची ही पावतीच म्हणावी लागेल.

तुझ्या या यशाचे माझ्या आई बाबांनाही खूप कौतुक वाटले. त्यांनीही तुझे अभिनंदन केले आहे. तुझ्या पुढील वाटचालीकरता खूप खूप शुभेच्छा.

पुन:श्च अभिनंदन.

तुझाच मित्र,
दीपक माने
जीवनज्योती विद्यालय,
नांदगाव, रत्नागिरी - 20486
[email protected]