Question

खालील निवेदन वाचा व त्याखालील कृती सोडवा.

आदर्श विद्यालय बोपर्डी, ता. वाई, जि. सातारा तालुकास्तरीय आंतरशालेय चित्रकला स्पर्धा स्पर्धा दोन गटांसाठी आयोजित गट क्र. 1 - इ. 5वीं ते इ. 7वीं गर क्र. 2 - इ. 8वीं ते इ. 10वीं
स्पर्धेचे ठिकाण आदर्श विद्यालय, मुख्य सभागृह, बोपर्डी, ता. वाई, जि. सातारा दि. 14 नोव्हेंबर	वेळ - सकाळी 9.00 ते 11.00 अधिकाधिक विद्यार्थ्यांनी स्पर्धेत भाग घ्यावा - मुख्याध्यापक

विद्यार्थी प्रमुख या नात्याने तालुकास्तरावर आंतरशालेय चित्रकला स्पर्धा आयोजित केल्याबद्दल मा. मुख्याध्यापक यांना त्यांचे अभिनंदन करणारे पत्र लिहा.

Answer 1

दिनांक: 10 मार्च 2018
प्रति,
मुख्याध्यापक
आदर्श विद्यालय
बोपर्डी, ता. वाई, जि. सातारा

विषय: तालुकास्तरीय आंतरशालेय चित्रकला स्पर्धाबाबत...

माननीय मुख्याध्यापक,

आपण आयोजित केलेल्या तालुकास्तरीय आंतरशालेय चित्रकला स्पर्धेमध्ये तालुक्यातील जवळपास सर्वाधिक शाळांनी सहभाग घेतलेला दिसून येत होता. आपल्या विद्यालयातील, विद्यार्थ्यांनी पण या स्पर्धत भाग घेवून चांगलेच यश मिळवले. शाळेतील सर्व विद्यार्थी, शिक्षक आणि सेवक वर्ग हे आपल्या घरातीलच एक कार्यक्रम आहे असे समजून काम करत होते. सर्वांच्यात आपलेपणा व आपुलकी दिसून येत होती. हे सर्व आपल्या प्रेमळ व आगत्यपूर्ण वागण्यामुळे झाले.

आपके उत्कृष्ट नियोजन उत्तम व्यवस्थापन व कामाची सचोटी यामुळेच ही स्पर्धा कार्यक्रम उत्तमप्रकारे पार पडली याबद्दल मी संतोष देशमुख विद्यार्थी प्रमुख या नात्याने आपले मनःपूर्वक अभिनंदन करतो.

असेच विविध क्षेत्रातील कार्यक्रम आपल्या मार्गदर्शनाखाली आयोजित करून शाळेचा नावलौकिक जिल्ह्यामध्ये व्हावा ही अपेक्षा.

कळावें,
आपला नम्र,
संतोष देशमुख,
विद्यार्थी प्रतिनिधी,
आदर्श विद्यालय,
बोपर्डी.