Question

इंग्लंडमधील धुक्याचा तेथील जनजीवनावर होणारा परिणाम सविस्तर लिहा.

Answer 1

इंग्लंडमध्ये, धुसर आणि पांढरे धुके संपूर्ण शहराच्या आकाशाला आच्छादित करतात. लंडनमधले कोळशावर चालणारे हजारो उदयोगधंदे आणि लाखो घरांमधील चुली यामधून रात्रंदिवस धूर निघत असतो, जो वातावरणात मिसळतो. घरात अनवाणी पायाने फिरल्यास पाय काळे होतात, आणि झाडाला स्पर्श केल्यास हात काळे होतात. अशा प्रकारच्या धुरकट वातावरणात धुके पसरले की कोळशाचे बारीक कण दिसतात. काळोख डोळ्यांना दिसतो व हातात धरता येतो. आपल्याला जणू हवेच्या आवरणाच्या तळाशी असल्याचा थेट अनुभव येतो. समुद्राच्या तळाशी असणाऱ्या जीवांच्या घुसमटीची कल्पना येते. ब्रिटिश खाडीत बोटीवर बोटी आपटतात, रस्त्यांवर वाहनांचे अपघात होतात. मुले रस्ता चुकतात. अशा प्रकारे तेथील जनजीवन विस्कळीत होते.