Question

दिलेल्या सूचना वाचा व तुम्ही व तुमचा मित्र यांच्यातील संवाद लिहा.

विद्यार्थ्यांसाठी सूचना जागतिक पर्यावरणदिनानिमित्त ‘आनंदनिकेतन’ या वृक्षवाटिकेतर्फे वृक्षारोपण कार्यक्रमाचे आयोजन इच्छुक विद्यार्थ्यांनी २५ एप्रिलपर्यंत वर्गशिक्षकांकडे आपली नावे नोंदवावीत व ५ जूनला सकाळी ७.३० ला शाळेत जमावे. टीप:- येताना उन्हाळी सुट्टीत जमवलेल्या फळबिया सोबत आणाव्यात.

Answer 1

मी-	अरे मेघा, सूचनाफलकावरील सूचना वाचलीस ना? वृक्षारोपण कार्यक्रमात सहभागी व्हायचंय मला.
मेघा-	हो तर. मलाही खूप उत्सुकता आहे, की कधी एकदा ५ जून उजाडतोय आणि झाड लावण्याची संधी मला मिळतेय.
मी-	हो, अरे मला तर एक छान कल्पनाही सुचली होती. आमच्या गच्चीतील छोट्या बादलीत जास्वंद लावलाय. तो आता इतका वाढलाय, की त्याला मोठ्या, मोकळ्या जागी लावायला हवंय. जर आयोजकांनी परवानगी दिली, तर वृक्षवाटिकेत तो लावता येईल, नाही का?
मेघा-	हो, आपण त्यांना विचारू. मला वाटतं, की ते तुला नक्कीच परवानगी देतील.
मी-	मी उन्हाळी सुट्टीत फळबिया जमवणार आहे. तू काय करणार आहेस?
मेघा-	अरे तेच सांगणार होते आता. आजीने लावलेल्या सवयीमुळे मी मागच्या सुट्टीत फळबिया साठवल्या होत्या. आता त्याच सोबत आणेन कार्यक्रमाला. म्हणूनच मी सूचना वाचताच खूप उत्सुक झाले होते.
मी-	मेघा, भारीच आहेस तू! चल, आता आधी आपण वर्गशिक्षकांकडे नावनोंदणी करू.
मेघा-	हो हो, चल.