Question

लेखिकेने अनुभवलेली इस्पितळातील प्राण्यांची दुनिया तुमच्या शब्दांत लिहा.

Answer 1

लेखिका मुंबईच्या परळ भागातील जनावरांचे इस्पितळ पाहायला गेली. कार्यालयाच्या दाराशी असलेल्या तसबिरीखालचे 'आम्हांला तुमची गरज आहे, तुम्हांला आम्ही हवे आहोत का?' हे वाक्य मुक्या प्राण्यांनी जणू माणसाच्या दयाबुद्धी व करुणेला आवाहन करणारे आहे असे तिला वाटले.

लेखिकेने तेथे विविध विभागांना भेट दिली. मांजरांच्या विभागात सर्व पेशंटचे खाणेपिणे, औषध, राहणे यांची उत्तम सोय होती; पण सर्वच मांजरं जणू लेखिकेचे लक्ष वेधून घेऊ लागली. त्यांचा एकटेपणा, माणसांच्या प्रेमाची ओढ लेखिकेच्या मनाला भिडली. कुत्र्यांच्या विभागात फिरून लेखिकेने लठ्ठ-रोड, चिडक्या-शांत अशा विविध कुत्र्यांसोबत, गोजिरवाण्या पिलांसोबत वेळ घालवला. माणसांसारख्याच सोयी-सुविधा, औषधोपचार यांचा अनुभव घेणाऱ्या या प्राण्यांना माणसांच्या प्रेमाची, लाडाची, आपुलकीची असणारी अनिवार ओढ लेखिकेने अनुभवली. या अनोख्या जगातून बाहेर पडतानाही या प्राण्यांविषयीची करुणा व त्यांच्या संवेदनशीलपणाची जाणीव मनात ठेवून लेखिका निघाली.