Question

शिरीषची भूमिका तुम्हांला कोणता संदेश देते, ते तुमच्या शब्दांत लिहा.

Answer 1

आपल्या वडिलांच्या अपघातामुळे अपुरे राहिलेले त्यांचे संगीतसेवेचे स्वप्न वादन शिकून पुरे करण्याची शिरीषची भूमिका मला फार आवडली. वडील ऐकू शकत नाहीत हे माहीत असतानाही, आपल्या वडिलांच्या आनंदासाठी, सुखासाठी तो स्वत: व्हायोलिनवादन शिकतो. त्या शिकवणीवर्गाला आपल्या वडिलांना सोबत घेऊन जातो.

वडिलांच्या निधनानंतरही लोक काय म्हणतील याची पर्वा न करता, त्यांच्यावरील प्रेमापोटी तो संगीतसाधना करतो. या त्याच्या भूमिकेमागे एक प्रेमळ, पित्यावर मनापासून प्रेम करणारा, संवेदनशील मुलगा दडला आहे. जसे त्याने कठीण प्रसंगावर मात केली, मेहनत, जिद्द व चिकाटीच्या बळावर सराव करून अप्रतिम व्हायोलिनवादन केले, तसेच आपणही जीवनातील संकटे, अडीअडचणींनी खचून न जाता यश मिळवले पाहिजे. आपल्या आईवडिलांच्या भावनांचा आदर केला पाहिजे. एखादी कृती करायला सांगण्यामागे आपल्या आईवडिलांचा दृष्टिकोन काय असेल, याचाही आपण सारासार विचार केला पाहिजे, तसेच त्यांनी आपल्याकरता उपसलेल्या कष्टांची जाणीव ठेवून त्यांच्या सुखासाठी आपण प्रयत्न केले पाहिजेत, हा संदेश शिरीषच्या भूमिकेद्वारे आपल्याला मिळतो.