Question

खालील निवेदन वाचा व त्याखालील कृती सोडवा.

साहित्य सेवा वाचनालय, साखरवाडी आयोजित
स्पर्धा - दि. 20 मार्च		वेळ - स. 9 वाजता
राज्यस्तरीय वक्तृत्व स्पर्धा व पारितोषिक वितरण सोहळा प्रमुख पाहुणे - श्री. विक्रम मेहेंदळे अध्यक्षा - श्रीमती रेखा महाजन स्थळ - हुतात्मा सभागृह, साखरवाडी संपर्क - आयोजक, साहित्य सेवा वाचनालय, साखरवाडी. E-mail - [email protected]
विनय/विनया देशमुख विद्यार्थी प्रतिनिधी या नात्याने
वक्तृत्व स्पर्धेत प्रथम क्रमांकाचे पारितोषिक मिळाल्याबद्दल मित्राला/मैत्रिणीला अभिनंदन करणारे पत्र लिहा.

Answer 1

दिनांक - 21 मार्च 2022

प्रिय अंकिता,
सप्रेम नमस्कार

अभिनंदन! अभिनंदन! अभिनंदन! काल साहित्य सेवा वाचनालय, साखरवाडी यांनी आयोजित केलेल्या राज्यस्तरीय वक्तृत्व स्पर्धेत तुझा पहिला क्रमांक आल्याचं समजलं आणि मला इतका आनंद झाला, की त्याचे शब्दांत वर्णन करता येणे शक्य नाही.

तुला लहानपणापासून असलेली भाषण करण्याची आवड मला माहीत आहे; त्यामुळे तुला हे यश नक्‍की मिळणार याची मला खात्री होती. तुझी शब्दफेक, वाचन, सततचा सराव आणि आत्मविश्वासाने आपले म्हणणे मांडण्याची सवय या साऱ्यांचे काल खऱ्या अर्थाने चीज झालं. प्रमुख पाहुणे विक्रम मेहेंदळे यांनी तुझ्या वक्तृत्वशैलीचे खूप कौतुक केले असे देशपांडे सर म्हणाले. आईला ही बातमी ऐकून खूप आनंद झाला. तिनेही तुला शुभेच्छा दिल्या आहेत. तू उत्तरोत्तर अशीच प्रगती करशील आणि आपले नाव मोठे करशील याची आम्हांला खात्री आहे.

पुन्हा एकदा मनःपूर्वक अभिनंदन!

तुझा मित्र,
विनय देशमुख
206, ब, स्वामीनंद अपार्टमेंट,
कोल्हापूर - 416012
[email protected]